سوووووبر تااااج
سوبر تاج زي اعلانات صابون الغسيل كدة
عندي تاج سوبر
4 في واحد
من اماني بنت الجنوب ... و الباشمهندس عبد الرحمن
نبدأ بأماني عشان التاج طول عندي قوي الصراحة ( وش مكسوف )
اسم مدونتك؟
عيلة و عايزة افهم
لماذا اخترته ..وماهي نيتك من وراء اختياره؟
ايه الاحراج ده ... راجع اول بوست هنا
هل فكرت في إغلاق مدونتك؟ والسبب؟
انا لسة فاتحاها بعد قفلة اصلا ... على العموم برضة راجع البوست اللي قبل ده على طول هنا
صورتك في المدونة ورمزيتها ؟؟
صورة عيلة و عايزة تفهم ... زي الاسم ...
لماذا دخلت عالم التدوين من الاساس؟
عشان فيه حاجات لازم تتقال
و حاجات لازم تتصلح
و كفاية كدة
جمله قيلت لك فى وصف مدونتك؟
حاجات كتير قوي ...
كل تعليق بيبن ان الكاتب عجبته المدونة يسعدني
التعليقات بالنسبه لك ,اهميتها؟
مفاجأت سارة لا أتوقعها كثيراً
احلى بوست كتبته ...ضع اللينك , ثم اذكر لماذا؟
مش عارفة
يمكن
استعباط
لأنه عجب الناس
أفضل بوست قرأته؟ وضع لينكه؟
يووووه كتير قوي
بصراحة انا لما قعدت افكر في اجابة السؤال ده طلعت في دماغي بتاع 10 بوستات و لا حاجة و كان لسة فيه تاني
لأن البوست بيختلف حسب اختلاف المجال
يعني ممكن اقولك الاحلى في مجال الكتابة الاجتماعية
و الاحلى في مجال الكتابة السياسية
و الاحلى في مجال الكتابة الادبية
الموضوع متباين قوي
فاختصارا للوقت ...
مش حاقول
أفضل مدونة قرأتها؟
ايه الاحراج ده تاني
الحقيقة انا فية صفة وحشة قوي
وحشة قوي يعني
انا نساية بشكل رهيب
جامد قوي يعني
فممكن ادخل مدونة و انبهر بيها و اقول واو و بتاع
و احطها في المفضلة ... و انسى ازورها تاني بعد كدة خالص ... !!!
و ساعات كانت بتجيلي أفكار كدة كأنها خواطر ... هو مين كان كاتب عن الموضوع ده بوست و شوفته امبارح ؟؟
و اقعد ادور بقى و اضيع
فاكرة مرة حتى حطيت رد عند حد و كان موضوع مهم بالنسبة لي
و تقريبا كانت اول مرة ازور المدونة دي
و بقعدت بعدها اعصر في دماغي اني اعرف الموضوع ده كان فين ... بس مفيش فايدة
و عملت بحث على جوجل و مالقيتش حاجة برضة ...
المهم اقنعت نفسي في الاخر ان اكيد اكيد اكيد صاحب البوست ده حذفه بعد ما انا رديت على طول !!! عشان اهدي نفسي و مافكرش في الموضوع ...
ايه الرغي اللي انا رغيته ده ؟؟
ما علينا ...
المهم يعني اني م الاخر ماقدرش احدد موضوع احسن بوست و احسن مدونة ده ... لأني ممكن اكون مش فاكرة خالص
اعذروني بقى ..
حد قل أدبه فى التعليق إيه رد فعلك؟
ماحصلتش
و لو حصلت حيبقى حاجة من الاتنين
يا إما كان بيتطاول علية أو أسلوبه مش كويس و ده حرد عليه بهدوء
يا إما قايل ألفاظ مش كويسة و ده حامسحه لأن الناس اللي حتدخل مالهاش دعوة انها تشوف حاجة زي دي من واحد مش سليم نفسياً ...
أسوأ بوست أسوأ مدون؟
كل مدونات مهاجمة الإسلام و مدونات الشذوذ
هيحصل ايه لإيميلك لما تموت ؟؟
ممم
و لا حاجة ... حيتقفل ...
اديت الباسوورد لحد قبل كده؟
تؤ
انا نفسي ماكنتش فاكراها لأني عاملة تذكرني على الجهاز
و النهاردة غيرتها عشان معرفتش ادخل ( وش مكسوف )
و كويس اوي اني كنت فاكرة اجابة السؤال السري !!!
بس عموما هما كام باسورد مش باخرج عنهم
كانت إيه طبيعة علاقتك بيه؟
لأ ما انا ماديتهاش لحد أصلاً ... ركز معايا
اسمك ايه ؟؟
مي
المشهور بيه وسط اصحابك؟
مي برضة
اصل الاسم ده لما بييجوا يدلعوه بيطول !!!
بس فيه ناس بتقولي ميوي
و ناس بتقولي ميمو
و ساعات في البيت كان بيقولولي موني
اغرب دلع كان من بابا ...... نوسة ...
و تسألوش إيه العلاقة بين مي و نوسة عشان انا مش عارفة !!!
و اصحابي اللي عارفيني ع النت بيقولولي ساعات يا جنين
شخصيتك نوعها إيه؟
مرحة و مش باتعصب بسرعة
السفر بالنسبة لك؟
مش بحبه ... يمكن انا باب الاستقرار شوية .. و يمكن انا باكره المشاكل من نوع ماجيبناش مشط ... فين الفوط ؟؟ ... هو انا ماحطتش شاحن الموبايل ؟؟
يعني الحاجات الصغيرة دي دايماً بتعملي ازمة
وكمان مش بحب ابات برة بيتنا خالص ... حتى لو عند خالو مثلاً ...
بس لو السفر يوم واحد حاروح ازور حد قريبنا في محافظة تانية و اجي في نفس اليوم فانا باحب كدة قوي و واخدة عليه ... و باحب اتفرج على الطريق
بس ساعات بابقى محتاجة لسفر التغيير ... زي دلوقتي كدة
وقت فراغك بتعمل فيه إيه؟
ممم
غالباً نت أو قراية أو قراية على النت
تقريبا انا اصبحت مدمنة قراية على النت ... اكتر حتى من الكتب العادية ... و ماما بقت تستغرب قوي قاعدة كام ساعة مبحلقة في الشاشة كدة ليه !!!
المود بتاعك؟
دلوقتي ؟؟
عادي ...
يمكن زهقانة ...
كان نفسي اشوف صحباتي بتوع المدرسة النهاردة بس مقدرناش نتجمع ... فيمكن مقريفة شوية
و كمان عندي مزاج للرغي دلوقتي فاستحملوني بقى
الاكلة المفضلة؟
المكرونة ... مطبوخة بأي شكل و أي نوع ... مادام مكرونة تبقى حبي
صفات اللي أخدتها من بابا؟
هدوء الاعصاب و عدم النرفزة
يمكن الكرم
التفاؤل .... و دي واضحة كانت واضحة علية قوي ... ايام الامتحانات في ثانوي اصحابي كانوا بيتصلوا بية ياخدوا جرعة تفاؤل و يقفلوا
بس اكتشفت مؤخراً اني بادي جرعة تفاؤل لكل الناس و انكد على نفسي !!!
الدبلوماسية و المجاملات و لا مش عارفة بيسموها ايه ... المهم اني اقدر اعامل الناس كويس حتى لو مش طايقاهم من جوايا ... بس اخليهم مايحسوش بده ... فيه ناس بيقولوا إن كدة وحش و مش عارفة ايه .. بس انا شايفاها صفة كويسة ... يعني مش لازم عشان حد مش مرتحاله اني اعامله وحش و اخسره يعني .....
الصفات التي أخدتها من ماما ؟
ممم
مش فاكرة حاجة
انا اصلا بنت وحيدة و اخواتي ولاد ... عشان كدة علاقتي بماما قوية عشان معنديش اخوات بنات
و عليه بيقولوا ان احنا شبه بعض في حاجات كتير قوي
بس مش عارفة حاجة محددة قوي يعني
اكتر ست حاجات بكرهها؟
الظلم
التكبر
لما حد يفدر نفسه و يعمل نفسه مثقف و الناس مش فاهمة عقليته عشان اقل منه في الثقافة يا عيني ...
الحسد
اللؤم ... و انا حد يضحكلي في وشي و هوة من جواه نفسه يأذيني و ممكن يضرني في ضهري
الجدال بالباطل
اكتر ست حاجات بحبها؟
باحب حاجات كتير قوي ما ينفعش احصرها في ستة
الشغل بالنسبة لك؟
متعة و اثبات وجود
الانترنت بالنسبه لك؟
مثدر اتعلمت منه الكثيييييير
و أثر في شخصيتي أكتر
هل تحرص بصدق علي تجديد النيه قبل الدخول علي النت؟؟؟
كنت ... لكن الاّن أصبحت أنسى كثيراً ....
ما رأيك في جريده الدستور؟
فيها حاجات معينة بس بحب اقراها
هل بعد قراءتك للإجابتين إللي فاتوا ..حسيت إن أنا أيه؟؟ولا تنسي الصدق.؟
هه ؟؟
هل تثق في جريده الدستور؟؟؟
كنت باثق فيها ... بس بعد موقف حصل كله ادامي و بعد كدة لقيت منشور فيها كلام مختلف مابقتش اثق بصراحة ...
أنا بحبكو في الله..فهل تحبونني...ولا تنسوا الصدق؟؟
السؤال ده من مين عشان ابقى عارفة ؟؟
عشان الواحد مايخبطش بس .......
هل تعمل في السياسه والعمل العام أكثر من الربانيات والروحانيات؟؟؟
الاتنين مرتبطين ببعض ... العمل العام ماينفعش يبقى سليم الأساس من غير روحانيات
و العمل بيتحدد بصورة أكبر على أساس التوقيت و الظروف
فيه ظروف بتخلي العمل العام يبقى اكتر ساعات
هل الدستور تحب الإخوان,,ولا بتستغلها؟؟
الدستور ماشي على نوع من المعارضة العبثية
يعني الجريدة مالهاش فكر واحد ... و اللي بيكتبوا فيها مالهمش فكر واحد
و ده بيخلي كل واحد بيكتب في اتجاه مختلف
يعني منقدرش نقول انها متبنية فكر واحد مع أو ضد الاخوان ... ممكن يكون في نفس العدد مقال مع و مقال ضد
و دي مشكلة في حد ذاتها لأن ده ممكن يعمل تشتيت عند القاريء و يخليه يفقد الثقة في رموز كتير
اختبار التدوين
71% !!!
من فترة كنت عملت طلع 57 !!
الحالة بتتأخر يا رجالة
و الموضوع خرج من ايدينا .........
شوية انجليزي بقى ... بس مش طالبة معايا ثقافة فحجاوب بالعربي برضة !!!
1. What is your occupation?
بدرس طب ... حتى الاّن
2. What color are your socks right now?
لأ انا قاعد في البيت و لابسة شبشب ارزق و فيه ورد و حاجت جدة برتقالي
ايه السؤال ده صحيح ؟؟
3. What are you listening to right now?
باسمع نشيد عن حماس
4. What is the last thing that you ate?
ايه الأسئلة الشخصوية دي ؟؟
ماشي
اخر حاجة كلتها كان السحور على الساعة 4 كدة
كان عسل باين
6. Favorite Color?
أبيض
أصفر
برتقالي
و الألون المبهجة عموماً
بس مش في الهدوم
7.Music Preference?)
مممم
عادي مش حاجة معينة
المهم اللي يغني يبقى صوته حلو هعشان مش ناقصة نشاز
8. Last person you spoke to on the phone?
ثواني افتكر ...
اصل انا ماليش في التليفونات و الكلام ده !!!
غالباً كانت اخت صاحبتي لما كنت متصلة بيهم امبارح و قالت لي إن صاحبتي مش موجودة
11. Favorite drink(s)?
اكتر حاجة بشربها في المشروبات يعني القهوة باللبن
بس مش عارفة المفضلة و لا ايه .. انا بابقى محتاجالها الصراحة
بس فعلاً باحب المية جداً جداً جداً
أيوة المية بجد فيها ايه ؟؟
ممكن اقدر اقول انها مشروبي المفضل
12. What is your favorite sport(s) to watch?
يمكن الباسكت عشان كنت باحبه قوي لما كنت بالعب من سنين يعني
بس عموما مش باتفرج على التليفزيون كتير
13. Have you ever dyed your hair?
احم احم
اه
هو كان المفروض يبقى احمر
بس مش مهم النتيجة بقى
خليها عليكم
14. Do you wear contacts or glasses?
تؤ
يعني لأ برضة
15. Pets?
اخر حاجة كانت السلحفة المسكينة
و قبلها كان فيه عصافير
قعدت اتحايل عليهم امبارح نجيب سمك
بس ماما رافضة انها تربي اي كائنات تانية ... غيري انا و اخواتي يعني
16. What will you stay home to watch?
لو برنامج وثاقئي عن حاجة انا مهتمة بيها جامد
او برنامج حواري مع حد انا مستنية اسمه كلامه من فترة
17. What is the best movie you have seen?
عموما ماليش ف الافلام
بالإضافة اني نساية (انا قلت موضوع اني نساية ده باين ؟؟ ثانية كدة اشوف ... اه قلت )
18. What is your favorite day of the year?
يوم العيد
و اول يوم رمضان
و يوم عرفة
و اخر يوم في امتحاناتي !!!
19. What do you do to vent your anger?
عادة بادخل انام ... متعودة على الهروب بالنوم
و ساعات باكتب
20. What was your favorite toy as a child?
ماكنتش مهتمة قوي بالالعاب و انا صغيرة ... كنت باحب القصص و مجلات الأطفال أكتر
حتى العرايس كان عشان كل البنات اصحابي عندهم مش اكتر
هو انا كنت طفلة غريبة و لا ايه ؟؟
مش مشكلة
يمكن الصلصال مثلاً
21. Fall or spring?
الخريف عشان انا مولوده فيه
و عشان باتعب من رياح الخماسين
23. Vanilla or Chocolate?
شيكولاتة
24. Do you want your friends to email you back?
أكيد
25. Who is most likely to respond?
كلهم عادة
26. Who is least likely to respond?
اللي بيتأخر بيبقى ليه عذر ... بس مافتركش في حد بيطنش خالص
27. Living arrangements?
هه ؟؟
28. When was the last time you cried?
مش فاكرة
يمكن أول امبارح
29. What is on the floor of your closet?
ماما فارشة الدولاب من تحت ورق
30. Who is the friend you have had the longest?
صاحبتي و جارتي كانت معايا من ابتدائي حتى هذه اللحظة اصحاب برضة
31. What did you do last night?
من امبارح بالليل بجاوب في التاج ده على دفعات !!!
32. Favorite smell(s)?
يمكن ريحة القهوة باللبن برضة
33. What inspires you?
جمل قصيرة ساعات الناس بتقولها في وسط كلامها بس بتعلق معايا
34. What are you most afraid of?
بالإصابة بمرض مزمن أو عاهة ما ... لأني معرفش ساعتها حابقى قوية و لا لأ و حتصرف ازاي
35. Favorite Food?
المكرونة
36. Favorite car?
أي عربية صغيرة و شكلها حلو ... شغل بنات
37. Favorite dog breed?
مش باحب الكلاب خالص
38. Who is your least favorite person right now?
كل ظالم و متكبر
39. How many years at your current job?
لأ انا بادرس
40. Favorite day of the week?
الاثنين
41. Where do you WANT to live?
مش عارفة ... عادي
42. Who is your favorite performer/artist?
مش حد معين
43. What is your favorite feature of yourself?
لو على الشكل انا بحبني كدة كلي
ع الشخصية ... يمكن المرح
49. Who's your favorite person in the world?
من اللي حوالية دلوقتي من الناس العادية ... يمكن ماما و بابا و واحدة صاحبتي
50. What do you want to accomplish before you die?
عايزة اسيب اثر و بذرة إصلاح
p.s: did you notice there are no 5,10,44,45,46,47,48 !!.
بصراحة لأ خالص
حامر التاج لمين ؟
اه
الباشمهندس بلال اللي البلد بلدهم
كااااااااااات رنين الصمت
و مريم افتكاسات حياتية
و الباشمهندسة الصغيرة حــــــرة
عندي تاج سوبر
4 في واحد
من اماني بنت الجنوب ... و الباشمهندس عبد الرحمن
نبدأ بأماني عشان التاج طول عندي قوي الصراحة ( وش مكسوف )
اسم مدونتك؟
عيلة و عايزة افهم
لماذا اخترته ..وماهي نيتك من وراء اختياره؟
ايه الاحراج ده ... راجع اول بوست هنا
هل فكرت في إغلاق مدونتك؟ والسبب؟
انا لسة فاتحاها بعد قفلة اصلا ... على العموم برضة راجع البوست اللي قبل ده على طول هنا
صورتك في المدونة ورمزيتها ؟؟
صورة عيلة و عايزة تفهم ... زي الاسم ...
لماذا دخلت عالم التدوين من الاساس؟
عشان فيه حاجات لازم تتقال
و حاجات لازم تتصلح
و كفاية كدة
جمله قيلت لك فى وصف مدونتك؟
حاجات كتير قوي ...
كل تعليق بيبن ان الكاتب عجبته المدونة يسعدني
التعليقات بالنسبه لك ,اهميتها؟
مفاجأت سارة لا أتوقعها كثيراً
احلى بوست كتبته ...ضع اللينك , ثم اذكر لماذا؟
مش عارفة
يمكن
استعباط
لأنه عجب الناس
أفضل بوست قرأته؟ وضع لينكه؟
يووووه كتير قوي
بصراحة انا لما قعدت افكر في اجابة السؤال ده طلعت في دماغي بتاع 10 بوستات و لا حاجة و كان لسة فيه تاني
لأن البوست بيختلف حسب اختلاف المجال
يعني ممكن اقولك الاحلى في مجال الكتابة الاجتماعية
و الاحلى في مجال الكتابة السياسية
و الاحلى في مجال الكتابة الادبية
الموضوع متباين قوي
فاختصارا للوقت ...
مش حاقول
أفضل مدونة قرأتها؟
ايه الاحراج ده تاني
الحقيقة انا فية صفة وحشة قوي
وحشة قوي يعني
انا نساية بشكل رهيب
جامد قوي يعني
فممكن ادخل مدونة و انبهر بيها و اقول واو و بتاع
و احطها في المفضلة ... و انسى ازورها تاني بعد كدة خالص ... !!!
و ساعات كانت بتجيلي أفكار كدة كأنها خواطر ... هو مين كان كاتب عن الموضوع ده بوست و شوفته امبارح ؟؟
و اقعد ادور بقى و اضيع
فاكرة مرة حتى حطيت رد عند حد و كان موضوع مهم بالنسبة لي
و تقريبا كانت اول مرة ازور المدونة دي
و بقعدت بعدها اعصر في دماغي اني اعرف الموضوع ده كان فين ... بس مفيش فايدة
و عملت بحث على جوجل و مالقيتش حاجة برضة ...
المهم اقنعت نفسي في الاخر ان اكيد اكيد اكيد صاحب البوست ده حذفه بعد ما انا رديت على طول !!! عشان اهدي نفسي و مافكرش في الموضوع ...
ايه الرغي اللي انا رغيته ده ؟؟
ما علينا ...
المهم يعني اني م الاخر ماقدرش احدد موضوع احسن بوست و احسن مدونة ده ... لأني ممكن اكون مش فاكرة خالص
اعذروني بقى ..
حد قل أدبه فى التعليق إيه رد فعلك؟
ماحصلتش
و لو حصلت حيبقى حاجة من الاتنين
يا إما كان بيتطاول علية أو أسلوبه مش كويس و ده حرد عليه بهدوء
يا إما قايل ألفاظ مش كويسة و ده حامسحه لأن الناس اللي حتدخل مالهاش دعوة انها تشوف حاجة زي دي من واحد مش سليم نفسياً ...
أسوأ بوست أسوأ مدون؟
كل مدونات مهاجمة الإسلام و مدونات الشذوذ
هيحصل ايه لإيميلك لما تموت ؟؟
ممم
و لا حاجة ... حيتقفل ...
اديت الباسوورد لحد قبل كده؟
تؤ
انا نفسي ماكنتش فاكراها لأني عاملة تذكرني على الجهاز
و النهاردة غيرتها عشان معرفتش ادخل ( وش مكسوف )
و كويس اوي اني كنت فاكرة اجابة السؤال السري !!!
بس عموما هما كام باسورد مش باخرج عنهم
كانت إيه طبيعة علاقتك بيه؟
لأ ما انا ماديتهاش لحد أصلاً ... ركز معايا
اسمك ايه ؟؟
مي
المشهور بيه وسط اصحابك؟
مي برضة
اصل الاسم ده لما بييجوا يدلعوه بيطول !!!
بس فيه ناس بتقولي ميوي
و ناس بتقولي ميمو
و ساعات في البيت كان بيقولولي موني
اغرب دلع كان من بابا ...... نوسة ...
و تسألوش إيه العلاقة بين مي و نوسة عشان انا مش عارفة !!!
و اصحابي اللي عارفيني ع النت بيقولولي ساعات يا جنين
شخصيتك نوعها إيه؟
مرحة و مش باتعصب بسرعة
السفر بالنسبة لك؟
مش بحبه ... يمكن انا باب الاستقرار شوية .. و يمكن انا باكره المشاكل من نوع ماجيبناش مشط ... فين الفوط ؟؟ ... هو انا ماحطتش شاحن الموبايل ؟؟
يعني الحاجات الصغيرة دي دايماً بتعملي ازمة
وكمان مش بحب ابات برة بيتنا خالص ... حتى لو عند خالو مثلاً ...
بس لو السفر يوم واحد حاروح ازور حد قريبنا في محافظة تانية و اجي في نفس اليوم فانا باحب كدة قوي و واخدة عليه ... و باحب اتفرج على الطريق
بس ساعات بابقى محتاجة لسفر التغيير ... زي دلوقتي كدة
وقت فراغك بتعمل فيه إيه؟
ممم
غالباً نت أو قراية أو قراية على النت
تقريبا انا اصبحت مدمنة قراية على النت ... اكتر حتى من الكتب العادية ... و ماما بقت تستغرب قوي قاعدة كام ساعة مبحلقة في الشاشة كدة ليه !!!
المود بتاعك؟
دلوقتي ؟؟
عادي ...
يمكن زهقانة ...
كان نفسي اشوف صحباتي بتوع المدرسة النهاردة بس مقدرناش نتجمع ... فيمكن مقريفة شوية
و كمان عندي مزاج للرغي دلوقتي فاستحملوني بقى
الاكلة المفضلة؟
المكرونة ... مطبوخة بأي شكل و أي نوع ... مادام مكرونة تبقى حبي
صفات اللي أخدتها من بابا؟
هدوء الاعصاب و عدم النرفزة
يمكن الكرم
التفاؤل .... و دي واضحة كانت واضحة علية قوي ... ايام الامتحانات في ثانوي اصحابي كانوا بيتصلوا بية ياخدوا جرعة تفاؤل و يقفلوا
بس اكتشفت مؤخراً اني بادي جرعة تفاؤل لكل الناس و انكد على نفسي !!!
الدبلوماسية و المجاملات و لا مش عارفة بيسموها ايه ... المهم اني اقدر اعامل الناس كويس حتى لو مش طايقاهم من جوايا ... بس اخليهم مايحسوش بده ... فيه ناس بيقولوا إن كدة وحش و مش عارفة ايه .. بس انا شايفاها صفة كويسة ... يعني مش لازم عشان حد مش مرتحاله اني اعامله وحش و اخسره يعني .....
الصفات التي أخدتها من ماما ؟
ممم
مش فاكرة حاجة
انا اصلا بنت وحيدة و اخواتي ولاد ... عشان كدة علاقتي بماما قوية عشان معنديش اخوات بنات
و عليه بيقولوا ان احنا شبه بعض في حاجات كتير قوي
بس مش عارفة حاجة محددة قوي يعني
اكتر ست حاجات بكرهها؟
الظلم
التكبر
لما حد يفدر نفسه و يعمل نفسه مثقف و الناس مش فاهمة عقليته عشان اقل منه في الثقافة يا عيني ...
الحسد
اللؤم ... و انا حد يضحكلي في وشي و هوة من جواه نفسه يأذيني و ممكن يضرني في ضهري
الجدال بالباطل
اكتر ست حاجات بحبها؟
باحب حاجات كتير قوي ما ينفعش احصرها في ستة
الشغل بالنسبة لك؟
متعة و اثبات وجود
الانترنت بالنسبه لك؟
مثدر اتعلمت منه الكثيييييير
و أثر في شخصيتي أكتر
هل تحرص بصدق علي تجديد النيه قبل الدخول علي النت؟؟؟
كنت ... لكن الاّن أصبحت أنسى كثيراً ....
ما رأيك في جريده الدستور؟
فيها حاجات معينة بس بحب اقراها
هل بعد قراءتك للإجابتين إللي فاتوا ..حسيت إن أنا أيه؟؟ولا تنسي الصدق.؟
هه ؟؟
هل تثق في جريده الدستور؟؟؟
كنت باثق فيها ... بس بعد موقف حصل كله ادامي و بعد كدة لقيت منشور فيها كلام مختلف مابقتش اثق بصراحة ...
أنا بحبكو في الله..فهل تحبونني...ولا تنسوا الصدق؟؟
السؤال ده من مين عشان ابقى عارفة ؟؟
عشان الواحد مايخبطش بس .......
هل تعمل في السياسه والعمل العام أكثر من الربانيات والروحانيات؟؟؟
الاتنين مرتبطين ببعض ... العمل العام ماينفعش يبقى سليم الأساس من غير روحانيات
و العمل بيتحدد بصورة أكبر على أساس التوقيت و الظروف
فيه ظروف بتخلي العمل العام يبقى اكتر ساعات
هل الدستور تحب الإخوان,,ولا بتستغلها؟؟
الدستور ماشي على نوع من المعارضة العبثية
يعني الجريدة مالهاش فكر واحد ... و اللي بيكتبوا فيها مالهمش فكر واحد
و ده بيخلي كل واحد بيكتب في اتجاه مختلف
يعني منقدرش نقول انها متبنية فكر واحد مع أو ضد الاخوان ... ممكن يكون في نفس العدد مقال مع و مقال ضد
و دي مشكلة في حد ذاتها لأن ده ممكن يعمل تشتيت عند القاريء و يخليه يفقد الثقة في رموز كتير
اختبار التدوين
71% !!!
من فترة كنت عملت طلع 57 !!
الحالة بتتأخر يا رجالة
و الموضوع خرج من ايدينا .........
شوية انجليزي بقى ... بس مش طالبة معايا ثقافة فحجاوب بالعربي برضة !!!
1. What is your occupation?
بدرس طب ... حتى الاّن
2. What color are your socks right now?
لأ انا قاعد في البيت و لابسة شبشب ارزق و فيه ورد و حاجت جدة برتقالي
ايه السؤال ده صحيح ؟؟
3. What are you listening to right now?
باسمع نشيد عن حماس
4. What is the last thing that you ate?
ايه الأسئلة الشخصوية دي ؟؟
ماشي
اخر حاجة كلتها كان السحور على الساعة 4 كدة
كان عسل باين
6. Favorite Color?
أبيض
أصفر
برتقالي
و الألون المبهجة عموماً
بس مش في الهدوم
7.Music Preference?)
مممم
عادي مش حاجة معينة
المهم اللي يغني يبقى صوته حلو هعشان مش ناقصة نشاز
8. Last person you spoke to on the phone?
ثواني افتكر ...
اصل انا ماليش في التليفونات و الكلام ده !!!
غالباً كانت اخت صاحبتي لما كنت متصلة بيهم امبارح و قالت لي إن صاحبتي مش موجودة
11. Favorite drink(s)?
اكتر حاجة بشربها في المشروبات يعني القهوة باللبن
بس مش عارفة المفضلة و لا ايه .. انا بابقى محتاجالها الصراحة
بس فعلاً باحب المية جداً جداً جداً
أيوة المية بجد فيها ايه ؟؟
ممكن اقدر اقول انها مشروبي المفضل
12. What is your favorite sport(s) to watch?
يمكن الباسكت عشان كنت باحبه قوي لما كنت بالعب من سنين يعني
بس عموما مش باتفرج على التليفزيون كتير
13. Have you ever dyed your hair?
احم احم
اه
هو كان المفروض يبقى احمر
بس مش مهم النتيجة بقى
خليها عليكم
14. Do you wear contacts or glasses?
تؤ
يعني لأ برضة
15. Pets?
اخر حاجة كانت السلحفة المسكينة
و قبلها كان فيه عصافير
قعدت اتحايل عليهم امبارح نجيب سمك
بس ماما رافضة انها تربي اي كائنات تانية ... غيري انا و اخواتي يعني
16. What will you stay home to watch?
لو برنامج وثاقئي عن حاجة انا مهتمة بيها جامد
او برنامج حواري مع حد انا مستنية اسمه كلامه من فترة
17. What is the best movie you have seen?
عموما ماليش ف الافلام
بالإضافة اني نساية (انا قلت موضوع اني نساية ده باين ؟؟ ثانية كدة اشوف ... اه قلت )
18. What is your favorite day of the year?
يوم العيد
و اول يوم رمضان
و يوم عرفة
و اخر يوم في امتحاناتي !!!
19. What do you do to vent your anger?
عادة بادخل انام ... متعودة على الهروب بالنوم
و ساعات باكتب
20. What was your favorite toy as a child?
ماكنتش مهتمة قوي بالالعاب و انا صغيرة ... كنت باحب القصص و مجلات الأطفال أكتر
حتى العرايس كان عشان كل البنات اصحابي عندهم مش اكتر
هو انا كنت طفلة غريبة و لا ايه ؟؟
مش مشكلة
يمكن الصلصال مثلاً
21. Fall or spring?
الخريف عشان انا مولوده فيه
و عشان باتعب من رياح الخماسين
23. Vanilla or Chocolate?
شيكولاتة
24. Do you want your friends to email you back?
أكيد
25. Who is most likely to respond?
كلهم عادة
26. Who is least likely to respond?
اللي بيتأخر بيبقى ليه عذر ... بس مافتركش في حد بيطنش خالص
27. Living arrangements?
هه ؟؟
28. When was the last time you cried?
مش فاكرة
يمكن أول امبارح
29. What is on the floor of your closet?
ماما فارشة الدولاب من تحت ورق
30. Who is the friend you have had the longest?
صاحبتي و جارتي كانت معايا من ابتدائي حتى هذه اللحظة اصحاب برضة
31. What did you do last night?
من امبارح بالليل بجاوب في التاج ده على دفعات !!!
32. Favorite smell(s)?
يمكن ريحة القهوة باللبن برضة
33. What inspires you?
جمل قصيرة ساعات الناس بتقولها في وسط كلامها بس بتعلق معايا
34. What are you most afraid of?
بالإصابة بمرض مزمن أو عاهة ما ... لأني معرفش ساعتها حابقى قوية و لا لأ و حتصرف ازاي
35. Favorite Food?
المكرونة
36. Favorite car?
أي عربية صغيرة و شكلها حلو ... شغل بنات
37. Favorite dog breed?
مش باحب الكلاب خالص
38. Who is your least favorite person right now?
كل ظالم و متكبر
39. How many years at your current job?
لأ انا بادرس
40. Favorite day of the week?
الاثنين
41. Where do you WANT to live?
مش عارفة ... عادي
42. Who is your favorite performer/artist?
مش حد معين
43. What is your favorite feature of yourself?
لو على الشكل انا بحبني كدة كلي
ع الشخصية ... يمكن المرح
49. Who's your favorite person in the world?
من اللي حوالية دلوقتي من الناس العادية ... يمكن ماما و بابا و واحدة صاحبتي
50. What do you want to accomplish before you die?
عايزة اسيب اثر و بذرة إصلاح
p.s: did you notice there are no 5,10,44,45,46,47,48 !!.
بصراحة لأ خالص
حامر التاج لمين ؟
اه
الباشمهندس بلال اللي البلد بلدهم
كااااااااااات رنين الصمت
و مريم افتكاسات حياتية
و الباشمهندسة الصغيرة حــــــرة
الاشتراك في:
تعليقات الرسالة (Atom)
25 comments:
هو كل كام دقيقة بوست
عجبتني شابورة التاجات دي
سريعة جدا أكيد خدت منك وقت
طبعا عجبني ريحة القهوة لأني شبه مدمن ولما باتجاوز الجرعة مش بارضى اشرب زيادة واقعد اشم الفنجان
أما الإجابة دي فعجبتني جداجدا
و الألون المبهجة عموماً
بس مش في الهدوم
شكرا يا جنين
و ان شاء الله هرد على التاج فى البوست الجاى
شكرا على التاج ..ولاوني في الإنجليزي دها بطيخة حبتين
هه هه هه
انا بانهج
نفسي مقطوع من المتابعه
بصراحه تاجات جامده واجابات فظيعه
شخصيتك حلوه قوي دمك خفيف ومرحه ودماغك عاليه
ربنا يخليكي ليكي
يا ريت ماتقفليش المدونه تاني سيبيها من غير بوستات جديده بس رجاءا بلاش تقفليها
بجد بزعل
تحياتي
ههههههههههه
ربنا يخلليكي يارب
:D و الله كويسه اوي الردود
و لو اني و الله اتضايقت من اني نشرت التاج الانجليزي زي ما هو لأن كان في حاجات مش لازم تتسأل و ملهاش لازمه اصلا :)
عموما ربنا يكرمك اختيارك للاسئلة و الاجوبة موفق جدا
و التاجين انا بعتهم يعني :D مش الانجليزي بس
يللا سلام عليكم
و انا بعتهم لبلال على فكره و معبرنيش :D
------------
انا كنت اتضايقت جدا بصراحة انك قفلتي المدونة
اتضايقت اوي اوي جدا يعني
بس واضح ان الانذار بيجيب نتيجة :D
وواضح ان المقايضات مش هتتحقق
:P وللا ايه
جميله قوى طريقه الكتابه فى المدونه و طريقه الكلام فيها
دائما ما يكون الشخص يتصرف بطلاقه اقرب الى التصديق و الى الواقع
اولا انا كنت متضايقة جدا ان المدونة كانت مقفولة.. وقلت ده اكيد تاثير قرب سنة تالتة..ده حتى انا مع قرب السنة اللى مش عارفة نهايتها ايه جالى اكتئاب..تخيلى
جرعة تاجات مكثفةtoxic dose
بس اجاباتك حلوة وشخصيتك لذيذة
واوعى تفكرى تقفيلى المدونة تانى
صدقينى اول السنة هتحتاجيها جدا
يالا باي
ايه ده كلووووووووو
كل دى تاجات فعلا سوبر
بس كويس حكاية انك بتخشى مدونات وتنسيها يعنى مش انا بس اللى اتنسيت :)
طيب مش مشكلة انا الكبير برضه
مش عارف اعلق على ايه بس اجابات ظريفة وجميل ان الواحد يكون مصدر للتفاؤل لمن حواليه
الإجابات دبلوماسية جداااااااااا
جزاكم الله خيرا
وفى كا إجابةأنا ضحكت عليهم كتيير
معلشي ازاي انتي بنت وحيدة
وانت قلتي قبل كده
..
أحبائي في الله . . أختي الصغيرة ( ربنا يبارك فيها ويسترها معاها في 2 ثانوي ) .. كانت تحب دائماً
..
رخامة بأه
غدا الاثنين 3 سبتمر
استئناف قرار الحبس بالتجديد 15 يوم لمجموعة الدكتور عصام العريان ومن معه
فى محكمة شمال القاهرة بالعباسية
الساعة 10 صباحا
ارجو ممن يريد التضامن معنا ان ياتى
دمك خفيف يا مي دي اول مره ازور مدونتك .وطلعت مدونه زي العسل ربنا يكرمك يا نوسه ده دلع بباكي صح تصدقي جميل ومفيش مشاكل ينفع دلع مي.
تحياتي
باشمهندس عصفور المدينة
ماتفكرنيش حضرتك
ده تعذيب !!!
انا باتخيل الريحة دلوقتي !!!
إدمان
بالنسبة للإجابة
الجملة مقصودة بكل تأكيد
و حضرتك ملاحظتك قوية
ما شاء الله لا قوة إلا بالله
مريم
شوفت الوست دلوقتي
حاروح اشوف الاجابات بقى
باشمهندس بلال
العفو
بافكر اترجمه بدل ما يلف ع الكل كدة
ماله العربي يعني ؟؟
و لــــو
طب شوف حضرتك نفسك مقطوع من المتابعة و انا اللي كنت باجاوب بقى !!!
ادي اخرة من يأخر تاج اليوم إلى الغد لحد ما تتكوم عليه التاجات
خلاص مش حاقفلها تاني خالص إن شاء الله
باشمهندس عبد الرحمن
اه حضرتك كنت متابع موضوع المقايضات و بتاع
اهو رسينا على بر
بس انا دلوقتي اتضايقت عشان حضرتك اتضايقت
بس خلاص
على فكرة انا شلت سؤالين من التاج الانجليزي اول امبارح باين
حتى لو انا عرفت ارد ... عشان اللي حيتمرر لهم بعدي كمان
مش كانوا يعملوه عربي ؟؟
أستاذ أبو مفراح
جزاك الله خيراً
اتعودت ابقى كدة
بس ساعاتا الناس مش بيعجبها
يلا مش مهم
ميرووو
توكسيك دوز
ههههه
بس بلاش اول السنة دي !!! حنيجي نطلع نكدنا ع الناس كمان !!!
الأستاذ امام الجيل
يا فندم ابدا بجد
انا بادخل عند حضرتك كل يوم تقريبا
من ساعة البوست بتاع دعوة الخالدين كنت عايزة ارد بس كان فيه شوية انشغال و كنت منتظرة اقرأ البوست تاني بعناية
حتى حجزت تعليق ... احسن التعليقات تغلى و لا حاجة
جيت بعدها لقيت بوست جديد بتاع الحقيقة المطلقة
قلت خلاص مش حاعرف ارد ع الاولاني
كان عاجبني جداً و فيه كلام مهم جدا بأسلوب بسيط
فكنت منتظرة برضة اقراه بعناية عشان اقول كلام عليه القيمة
دخلت امبارح لقيت بوست جديد
اعمل ايه ؟؟
حارد بأثر رجعي بقى
جزاك الله خيراً
جمعاوي روش طحن
ماكنتش دخلت سياسة و اقتصاد ؟؟
يلا
جزاك الله خيراً
باشمهندس بلال
ما هو عشان الناس الذي ذاكرتها قوية قوي ما شاء الله لا قوة إلا بالله
( مش باقر يعني )
و مع ذلك بتقرا سطر و تسيب سطر
يا أستاذنا البوست عنوانه ( حاجة مش بتاعتي )
و كاتبة بخط احمر و كبيييير ( كتب مصعب الجمال )
ماعتقدش إنه فيه احتمال و لو سبعة سنتي ان يكون اسمي مصعب الجمال !!!
حاتشكك الناس فية
يلا مش مهم
أسماء
كان نفسي اجي بجد
بس صحيت الساعة 11 و البنات طنشوني و محدش رن علية يصحيني !!!
بالنسبة للي حصل
الحمد لله على كل شيء
إن شاء الله خير
أميرة
أول ما قريت نوسة قلت ايه ده هي قصدها على مين ؟؟
شكلي حانسى اسمي قريب
جزاكِ الله خيراً
ايوة المفروض اعمل اية يعنى laugh
معلش جديدة على التدوين ببب
إرسال تعليق