يا مرحب بالدكاترة
البوست ده خاص جداً
للترحيب بالدكتورة أطياف في مدونتنا المتواضعة
أطياف
فيه كتير منكم يعرفها
كنت عايزة أكتبها عنها بقالي فترة
أطياف زميلتي في كليتنا الحبيبة المحبوبة المحبة المحببة إلى أخر صيغ الاشتقاق و الافعال و المبالغة و كل حاجة
كلية الطب يعني
بس هية أكبر مني بسنة دراسية
يلا ... فلتي من سنة تالتة ... الدور و الباقي ع الغلابة اللي زينا
يلا مش مشكلة
حاقول جملة قالتها واحدة صاحبتنا قبل كدة
أطياف بنوتة زي الفراشة ... تحس إن اللي قلبها على لسانها
أدب عالي و أخلاق
و دايماً واقفة مع اصحابها
اتبسطت قوي يوم ما كلمتيني عشان همساية ( طلعلنا حد في التلافازون يا رجالة ... ) و اتبسطت اكتر بالموضوع الجديد
من ساعتها و انا عايزة اكتب البوست ده ... بس انتي عارفة ... اختك شعلة نشاط يعني و لا تؤجل عمل اليوم إلى الغد أو بعد الغد أو بعد بعد الغد أبتاً أبتاً بتاتاً ...
حاجة كدة على جنب
الجاي ... أحلى ..
ماتفكريش كتير
و ادعي كتير
ربنا يكرمك و يسدد خطاكِ و يرزقك كل خير في الدنيا و الاّخرة
صحيح
نسيت اقول ان اطياف هي اللي اصرت اني لازمن و لابد و حتمن يعني يعني اغير التيمبلات بتاع المدونة
و بعد محاولات فاشلة كثيييييييييييرة استقر التيمبلات ده في موضعه
و عليه
فهي تتحمل المسئولية كاملة !!!
أنا ماليش دعوة
الاشتراك في:
تعليقات الرسالة (Atom)
42 comments:
..
أول تعليق
مش عارف اقول ايه بس لازمن أقول حاجة عشان التعليق الأول مايروحش عليا
..
مفيش حاجة في بالي فحجز التعليق وخلاص
..
اه على الفكرة المرة دي خد بالي إن التيمبلات اتغيرت وحبيت أعلق عليها النهارده العصر بس نسيت باين أو علقت في دماغي
معلشي..بس سؤال بالمرة
هوا ايه دعوة ..ابدأ بالخطوة الأولى بالصورتين بتوع الهيد
وشكران
ربنا يديم محبتكم واخوتكم
لا التمبليت جميل انا من فترة عايز اغير برضه بس مش لاقى حاجة كويسة ربنا يسهل
my little sweeeeet heart
there is no arabic here
i'll come again
till then ..
I love you in the sake of allah
اهلا بأهل الطب والأطباء
كده المدونين زادوا طبيب
علي فكرة انا برده طبيب بس طبيب بيطري
اهلا بصديقتك في عالم التدوين
وربنا يبارك في اخوتكم يارب
السلام عليكم ورحمة الله وبركاته
جميل التامبليت الجديد
:)
ربنا يبارك لكم في بعض
ويديم المعروف
وأشكرك علي حضور الفرح
:):):):)
وعقبالك
بسم الله مشاء الله
كمان انتى طبيبة ايه الشطارة دى
معلش انا عارفه انى مقصرة معاكى يا قمر بس اعذرنى
المهم بقى ليكى تاج عندى
بجد ربنا يخيلكى ليا يا ميمو
أنتى زى العسل ولله
بس تعالى هنا ..
ايه حكاية الموضوع الجديده ده انتى بتسيحى ولا ايه
أدعى انتى بس
و بالنسبة للغد المشرق
و الجاى الاحلى
و شباب النيل ده
نطلع اللى دفنينه الأول
وأيدى على ايدك طبعا
اللى تعملية هعمل زية بالظبط
بس انا معايا حق انتى لأ
بس هى شكله موضه و طلعت
بدأتها همس .. لغاية ما كليات الطب هتنش
فى كل الاحوال هو خيييييييير
بجد انتى طلعتى شخصية سكرة خالث
عيله فعلا
حتى اتعرفنا بطريقه عيالى
بجد يا ميمو بحبك فى الله
انا قررت اسيح
ده بعد اذنى طبعا
:D
التيمبلات جميل متقلقيش .. ع فكرة انا برضة تانية طب .. اهلا بيكى وربنا يقدرنى واتابعك
أمال ايه عيلة دى دا احنا اللى شكلنا عيال طبيبة
على العموم
ربنا يجمعكم على الخير دنيا وأخرة
يارب وجميل شكل المدونة
هادىء
191
والله وباة ليكى مدونة....امال فين الترحيب ليا
191
191
بلينك
باشمهندس بلال
انا حاعتبر ده ترحيب يعني !!!
حاقول لحضرتك ايه العلاقة
العلاقة اني كان عندي صورة على الكمبيوتر قبل كدة بتتكلم عن الايجابية
فيها برضة حوضين سمك زي اللي فوق دول ... واحد مليان و التاني فاضي
و سمكة بتنط من المليان عشان تمرح في الفاضي لوحدها
حسيتها سمكة ايجابية يعني ... عارفة سكتها
فلما شفت التيمبلات ده لفت نظري قوي رغم انه ماكنش حلى واحد
بس
الأستاذ امام الجيل
اّمين
حاجيب لحضرتك المواقع اللي انا كنت بادور فيها
الدكتور هاني جابر
أهلاً بحضرتك
اسعدني مرورك
جزاك الله خيراً
بينو
اّمين
جزاك الله خيراً
رافعين روحي المعنوية
أماني
لا شطارة و لا حاجة
خلي الطابق مستوور
انا اللي مقصرة
بلاش الاحراج ده !!!
جزاك الله خيراً
أطيااااااااااف
يا مرحب يا فندم
ربنا يخليكي لية
بيقولوا يا طوفة قافلين باب التحويلات السنة دي !!!
واضح إن الكلية متمسكة بينا جداً
ميرو
طب برضة !!
الضحايا كتروا يا رجالة !!!
طالعة من تانية و لا رايحة تانية ؟؟
انا رايحة تالتة
اجمل سنة في طب ... بالتأكيد يعني
الأستاذ حسين رضا
جزاك الله خيراً
بجد هاديء ؟؟
حلو
الحمد لله
حرة
ايه اللي عرفك طريق بيتنا ؟؟!!!
ماشي
001
انا رايحة تالتة.. يعنى داخلة ع ضرب النار.. هههههههه
عدى عليا وادينى رأيك
نشكر للاخت اطياف انها غيرت شكل البلوج
بصراحه الشكل دلوقت رائع وغير تقليدي
ربنا يخليكوا لبعض
وكويس ان الشخصيات دي لسه موجوده بكثره
ربنا يزيدكم
يا سلام عليكم
أولا مبروك على الشكل الجديد
جميل جدا :)
ثانيا اسف و الله على قلة الزيارة و المتابعة
انا و الله مطحوون جدا و شم بارجع البيت غير يادوب وقت النوم
دعواتك
ثالثا
دلوقتي عرفت انتي عرفتي موضوع التليفزيون منين :)
ثم اليفزيون ايه اللي يشغل الواحد
ان الله كان بالسر عليم
:)
ربنا يوفقك و يباركلك انتي و اطياف
و يجمعكم في الدنيا على خير
و في الاخرة في الجنة ان شاء الله
انتى قصديك على برنامج همسات بتاع قناة الرسالة
ولا قصدي ايه بهمساية
طاب ممكن تغيرى مع التنيمبلات الاسم كمان .....اصل العيله قدامها كتير علشان تفهم
ابو مفراح
ربنا يديم المحبة يا دكاترة المستقبل
شدوا حيلكم في الباثولوجي و الفارماكولجي
:\
و الرمد و ال اي ان تي
:\
يااااااااااااه ايام
ربنا يهون علينا
تحياتي و حبي
:)
و الله شكلكم كده بتهرجوا و بتفكروا تسيبوا طب
بدأتها همس ؟
هتسيبوا طب بجد وللا ايه ؟
ربنا يستر
عموما ربنا يوفقكم في كل حاجه
سلام
ميرو
يعني في الهوا سوا
نقضيها تفاريح بقى
جيالك
باشمهندس ولو
مش عارفة ليه مش مرتاحة لموضوع نشكر الاخت اطياف ده !!!
هو التيمبلات القديم كان فيه حاجة كدة و لا كدة ؟؟ الشر برة و بعيد يعني
و لا كان حد معترض و لا حاجة عليه ... الشر برة ة بعيد يعني برضة
على العموم أنا طيبة ... و حاخدها بحسن نية
و نشكر الأخت أطياف على مجوداتها في سبيل إرضاء الجماهير
باشمهندس علاء
عارفة بجد اللي حضرتك فيه
ربنا يكون في عونك
انا قلت بس اشاغب شوية
عيب الكلام ده
أنا و بلا فخر واحدة من 4 بيتفرجوا على البرنامج !!!
: )
أسأل الله أن يرزقك الفردوس الأعلى
أستاذ محمد الانصاري
لأ هو برنامج تاني على النيل الثقافية مش فاكر ةاسمه الصراحة !!!
بس مش مهم
المهم إن همساية ( و دي مدونة صاحبتنا ) بتطلع فيه و بتعمل تقرير عن المدونات
و كانت مستضيفة الباشمهندس علاء من كام حلقة
بس
أستاذ أبو مفراح
يعني اخليها عيلة و قدامها كتير عشان تفهم ؟؟!!!
على العموم انا بحب اي اقتراح بجد ... و انتاو عارفين انا منتهى الدميقراطية !!! زي عمو حسني كدة !!
: )
تحياتي
الداااكتورة ولاء
ده ايه النور ده
ماتفكرينيش !!!
طبعا الدكتورة أطياف مزقططة لأنها مستدبرة الهم ده و مستقبلة سنة رابعة الجميلة
انا باحاول انسى إن السنة قربت تبدأ اصلاً !!!
الأستاذ عمرو بدري
احم احم
ايه الاحراج ده
ما انا قلت لحضرتك
الكلية متمسكة بينا إلى أقصى حد !!!
ماتقدرش تتخلى عن كوادرها برضة !!!
:D
هو في ايه
يعني حضرتك فعلا عاوزين تسيبي طب و هي متمسكة :D
هي اه عددها كبير شويتين و مش محتاجه و انتو كوادر أكيد
بس استخيروا :)
و انا في وقت ماقلت بجدية كاملة للي في طب انه يسيبها ::+
لكن مش منطقي بعد اما قضى كتير من عمره فيها تلات اربع خمس سنين مثلا انه يسيبها بالسهوله دي
بس هرجع اقول :) لو شايفين ان الخير في كلية غير طب
حولوا .. و بجد هحييكم على القرار ده
على فكره انا اللي علقت باسم ايجيبت :)
آسف مكنش قصدي و الله
بوست جميل فعلا
احييكي علي وفاءك :)
فعلا اطياف من اجمل الشخصيات اللي ممكن تقابليها
عاملة زي اللبن
قلبها ابيض اوي
من الشخصيات النادرة فعلا
انا مبسوطة اني اتعرفت عليها :)
اني احبك في الله يااطياف
ربنا يكرمك يارب ويرضيكي ويرضي عنك
سرسورتى حبي
ربنا يخليكى ليا يا قمرتى
انا بحبك في الله جدا
بجد الايام اللى كنا فيها مع بعض كانت احلى ايامي رغم انها كانت أصعبها
معرفش ازاى بس هو كده و خلااص
ربنا يفك أسر عمو بسرعه
و يرزقك السعاده دنيا و أخره
( ساره) وش بيغمض عين واحده :P
باشمهندس عبد الرحمن
اه حضرتك عارف .. احنا اكيد كوادر يعني ... اعمدة في الكلية
و حضرتك مهندس و عارفة إن لو عمود نقص ممكن تحصل حاجات مش حلوة خالص
كلام بجد
استخرت
و لازالت الكلية متمسكة
الله المستعان
ملحوظة بقى
حضرتك يا باشمهندس ترد بالاكونت اللي حضرتك عايزه
مفيش اي حاجة
حتى لو عايز الباسورد بتاعتي ترد بالاكونت بتاعي مفيش مشاكل برضة
مع إني انا نفسي مش فاكاراها !!!
البيت بيتك
بجد
سارة
جزاكِ الله خيراً
حلوة تعبير ( عاملة زي اللبن )
و واحدة تانية تقولها فراشة
امال انا مش بيتقالي كلام من ده ليه ؟؟ !!!
يلا مش مهم
معجباتك كتروا يا اطياف
و ابقي اكتبي وش بيغمز بدل المغمض عين واحدة ده
( وش مندهش )
ميمو (f)
.................
إرسال تعليق