في السريع سريع
السلام عليكم و رحمة الله و بركاته
طبعاً المدونة كانت مقفولة بقالها كام يوم ...
بدون الخوض في تفاصيل كثيرة
حسيت مرة واحدة اني مش عايزة اكتب
كان فيه قصيدة قرأتها من زمان لصلاح عبد الصبور
سيف اللاجدوى ...
يهوى ما بين الرغبة والعقل
صحراء اللافعل ...
تتمدد ما بين الرغبة والجدوى
ماذا فى طوق الفأر المذعور
ما بين السيف وبين الصحراء
فرض أول :
يهرب من سيف اللاجدوى للفعل اللامجدى
فرض ثان :
يهرب من صحراء اللافعل الى قاع اللارغبة
فيداهمه سيف اللاجدوى
فرض ثالث :
يثوى فى جحر اللاجدوى
واللارغبة
واللافعل
ويموت ...!!
طبعاً أنا أول ما قريت الكلام ده قلت الراجل ده حيستظرف علينا ... !!! هو يعني عشان مسأف و كدة لازم يكتب كلام الناس ماتفهموش !!!
صباح العقد النفساوية
بس من كام يوم بدأت افهم الكلام ده ... و احسه ...
هو يعني انا مش فاهماه قوي يعني عشان مابقاش كدابة !! ...
يعني الموضوع ببساطة ادي سيف اللاجدوى على اليمين
و ادي صحراء اللافعل على الشمال
و الفأر المذكور ده هو الدايرة اللي في النص ما بينهم ... و المفروض يعني عنده الرغبة و العقل
فلو اتجهنا شمال شرق افريقيا ... حتلاقي مصر ... و تقع سيناء في الجزء الشرقي من مصر في قارة اسيا ...
اول يمين من جنب سور الجنينة حتلاقي بيت شبابيكه خضرا ... احنا البيت اللي جنبه على طول !!!
ما علينا بالكلام ده ...
المهم إني حسيت إن الموضوع كله عندي في التلت كلمات : لا جدوى ... لا رغبة ... لا فعل ...
بعد اللي حصل و بيحصل ... حسيت بإن ... مفيش فايدة ... لا جدوى ... لا جدوى ... لا جدوى ...
و بالتالي مبقاش عندي رغبة اني اعمل اي شيء ...
لا رغبة
و بالتالي
لا فعل
و سيبنا م الفأر المذعور ... حنبقى نجيبله مصيدة ......
بس تفكير و مداولات قلت أفتحها تاني ....
طيب المهم قبل ما اي حد يخبطني بحاجة انا حاقلب البوست ده في السريع سريع عشان ماحدش يشوفه و انزل بتاج ...
و اعتبروني ماقلتش حاجة يا رجالة ...
خلاص
يلا سلام
الاشتراك في:
تعليقات الرسالة (Atom)
8 comments:
ولا كإننا خدنا بالنا :D
تعبت نفسك والله
الراجل ده كان مسيطر على مخي من 21 سنة وبعدين ربني فكني منه
وأحسن منه شعار كتيبة المشاة في الجيش
قوة
عزيمة
إيمان
السرية الخامسة في كل مكان
على خيره الله
بس ابقي قولي قبلها عشان عندي ميعاد مع متولي عشان متخانق مع مراته وعايزين نروح نجيب ديكودر بيجيب منتخب الشركات وهو بيعدي جنب سور نادي الزمالك بدل ما العلاوه ماتتصرف ومانلاقيش مواصلات تودينا
مين هنااااااااااااااااك
عوداً أحمد و محمد و محمود و عبد الفتاح و عتريس يا فندم
انتى اختفيتى مره واحده م التنيا كلها
قلت تكونى متى ولا حاجه
قلت نعمل الواجب و نروح نعزى
عموما صح النووووم
باشمهندس بلال
عادي عادي
باشمهندس عصفور المدينة
يعني حضرتك كنت بتفهم الكلام ده !!!
بأنهي لغة ؟؟!!!
ما أجمل الكلام البسيط قوي المعنى
فعلاً
و لــــو
ماشي بس ماتتأخروش عشان ممكن يناموا بدري
اّلاااااء
عايشة عايشة
يعني متعمليش حفلة دلوقتي !!!
و بعدين فتحنا خلاص ؟؟
و ماعزمتنيش على الافتتاح !!!
إرسال تعليق