((( استعباط ))))
غريب اللون
ما هوش لوني
فوسط الزحمة بتحسر
على عيوني
بتتقطع على الصورة
و تتلجلج
في وسط وشوش
لا كنت في لحظة باعرفها
و لا حسوا
و عرفوني .....
ف وسط التوهة و اللمة
بتسرح عيني
وسط الناس
خطوط الوش حكياها
و لما القصة تتكمل في كل دقيقة
بتعلم على جبينها
و تعرفها العيون لكن
تحاول
لحظة تنساها
و تتشاغل بحاجة في ايد بتعملها
و تتهرب من القصة
و تهملها
و لكن وسط شرخ القلب ساعات
تحنلها
و تتخفى ورا ستارة
عشان تلمح
تبصلها
و بتميّل على ميلها
و ترجع تاني تتغرب
و لسة القصة دقة قلبي حساها
باتوه
و ف وسط توهاني
الاقي تهزني كلمة
و نظرة عين تناديني
تصحيني
عشان لو كنت مش سامعة
و تخطفني
ألف معاها في ثواني
و تجرحني
أحاول امحي دمعتها
أو اتكلم
يقيدني الالم و العجز و الغربة
و اتحول لطيف دمعة
و ارجع للسكات ... تاني
و باعمل نفسي مش فاهمة
الاشتراك في:
تعليقات الرسالة (Atom)
58 comments:
اه ياني من الوشوش
والهموم اللي في القلوب
بوست يقطع القلب حراااااااااااااااام
الله شعر جميل جدا
بس طبعا الهروب مش حل ابدا بس ساعات الواحد بيلجأله مش عارف بس ساعات الواحد نفسه يعيش فى جزيرة لوحده ويهرب من الناس بس ده اكيد مش حل
كلمات روووعة
الكلام مش محتاج انه يتعلق عليه
كلام بسيط بس مؤثر جدا
والصور مصريه 100 % فعلا صور للمواطن المصري المطحون
تحياتي
بحد جميله و بسيطه
و وجعتلى قلبى اوى
شعر رائع جدا وسعيد بزيارة مدونتك الظريفة دى
هاستعير كلمة عصفور المدينة
بحبك يا مسكين
احساس عالى ممزوج بمرارة ويأس
:)
جميلة
اول زياره لمدونتك ولانها جديره بالزياره فلن تكون الاخيره
اول زيارة ليكى و بوست جميل و كلمات جميلة
تحياتى لكى
بتعملى نفسك مش فاهمة
اوباااااااااااا
وبتضحكى علينا وتقولى انك لسه
عيلة وعايزه تفهمى
اللهم لك الحمد
تم الافراج عن احمد الجيزاوى الساعة 2.30
مع انك عيلة
بس بجد
طلعتي فاهمة حاجات كتير
بجد
الله ينور
عليكي
ويللا مش مهم
i ensure u that u r not a kid
بما معني ؟
إنك ممكن تكوني عيلة جزئياً
لكن المجموع الكلي انتي أكثر نضجاً من ناس كتير أكبر مني وناس بيحكموا شعوب كمان
استمري في الكتابة وحسيت بالبوست ده أوي
هحتفظ بيه بعد إذنك
سلام عليكم
احم ... ما شاء الله
جميل أوي ..نروح احنا بأه نلعب بعيد :D
ما شاء الله
بوست جميل جدا
ربنا يباركلك
فعلا يعبر عن الشارع المصري بجد
وشوش تحمل كل المعاني
وكلمات تعبر عما في داخلنا
جميل جدا جزاك الله خيرا
لا حول ولا قوة الا بالله
ايه يا جماعة الشوطة اللى فى المدونات دى
شوطة حزن وكآبه
على العموم نرجع ونقول للأسف احنا مش لاقيين حاجة تدعوا لغير ذلك
جزاك الله كل خير اختى
السلام عليكم
لالالالالالالالالالالالالا
عيلة إية دنتى مصيبة
وقطعتى قلبى بصورة الراجل العجوز ده
مافيش حد بيرد علينا ليه..احنا اتقلبنا ولا ايه
....
اسكندراني قوي
لأ مش حرام يا أستاذنا
مش حرام نحس بالناس اللي ساكنة البلد دي مرة
و صدقني احنا برضة مش عارفين حاجة
تحياتي
الأستاذ إمام الجيل
أكيد الهروب مش حل
بس ساعات بالجأ للهروب كنوع من العجز ... عشان اهرب من وجع الضمير
باشمهندس علاء
جزاك الله خيراً
مش اروع من كلماتك
ولـــو
ما هي المشكلة في الصور
الصور اللي بتعدي علينا كل يوم
ساعات ناخد بالنا
و ساعات لأ
و ساعات نعمل نفسنا مش واخدنا بالنا
زيي كدة
مريم
جزاك الله خيراً
و بداية الحل فعلاً اننا نحس و نستشعر
و حنقدر نغير إن شاء الله
الأستاذ إسلام رفاعي
جزاك الله خيراً
و إن شاء الله ماتبقاش اخر زيارة
الطائر الحزين
كلمة توجع القلب قوي
ما هو المشكلة في المرارة .. و اليأس
كات
انتي اللي جميلة
: )
عازف الناي
جزاك الله خيرا
و منتظرة الزيارة كتير إن شاء الله
الأستاذ محمد ياسر
جزاك الله خيراً
و إن شاء الله ماتكونش اخر زيارة
أستاذ ياسر سليم
ما هو عشان كدة اسمه استعباط
:D
أستاذ مجدي سعد
سعيدة جدا برد حضرتك
بس انا مش فاهمة حاجت كتير و لا حاجة
منكم نستفيد
و برضة مش مهم
:D
الأستاذ ضياء
:D
جديدة عيلة جزئيا دي
و أكيد طبعا حضرتك احتفظ بالبوست ده شرف لية
الباشمهندس بلال
ده بعض ما عندكم يا أستاذنا
و بعدين ايه اساءة الظن دي ) وش متحفز )
اختك بتخرج كل يوم تقريبا من سبعة لسبعة
و برجع خلصانة انام لتاني يوم ( وش مرهق )
بيني و بينك الواحد مكسوف من نفسه ( وش مكسوف )
المفروض نبقى انشف من كدة ( وش بيلعب حديد )
مش عشان عشان شوية شغل اطلع بسكويت كدة ( وش مكسوف برضة )
المهم كنت مخصص مدونتك ليه اليومين اللي فاتوا ؟؟ كل حاجة بتتخصص و لا ايه ؟؟
الأستاذ هاني جابر
جزاك الله خيراً
ربنا يباركلك
اعطيتني أكثر من حقي كثيراً
دكتور مؤمن
هاتلي حاجة متفائلة و انا اكتب عنها !!!
شكلي حانضم لحزب الباشمهندس بلال للكاّبة قريب
جزاك الله خيراً
أستاذ ابن يسري
مصيبة !!! ( وش مخضوض )
:D
اخي صورة الراجل العجوز دي بالذات : (
ازيك يا عيله
هو لكى اسم تانى غير كده
مدونتك روعه والله
وصور اللى فيها حلوه جدا
وموضوعاتك جميله
عايزين مواضيع باستمرار كده
وشرفينى بالزياره لمدونتى
سلام عليكم
بجد بوست رائع ، رغم انه يقطع القلب ..ومدونة رائعة ..تحياتي لكِ
وعجبتي حتة يبقى انت اكيد في مصر
:D :D
كلمات جميلة لدرجة اني مش عارفة اعلق عليها بس كمان الصور حقيقي لمسة قلوبنا بحاجة كده مش عارفة هى ايه
وانا باقترح انك تسمي نفسك
(انسانة وحاسة اوي بالناس)
جزاكي الله كل خير وربنا يوفقك دايما
كلامك جميل قوووي و معبر و تحسي فيه بالاستعباط !!! هههههههههه
بهرج يا جميل بس من الواضح انه مش كلام عيلة خالص :):):):)
واحشاني جدا جدا يا بنتي...
سوف تظل المشكله كامنه وسف يظل الاستعباط مهمتنا اننا نحجم موضوع
شعر جميل جدا اجيكى عليه مع انى ما بحبش الشعر الا للشاعر هاشم الرفاعى غير كده بعتبرو كلام
ايه الاستعباط ده
كل اما اخش الاقى مفيش بوست جديد
ههههههههه
بهزر طبعا منتظرين الجديد
السلام عليكم ورحمت الله وبركاته
انا حبيت ابلغك شكر اخويا الجيزاوي
موضوع جميل اوي
الاخ أبو زياد
جزاك الله خيراً
المفروض لية اسم تاني غير كدة
چـِنين
بس عادي اللي تحبوه مفيش مشاكل
نور
الله يباركلك
تصدقي الحتة دي كنت ناوية اشيلها !!
بنات أفكاري
ايه الكلام الكبير
ده
لا يا عم
خليني في المعيلة احسن
لا يطلع الكلام ده تهمة جديدة و لا حاجة
مريم
اي ميس يو يا بنتي جدا جدا
انتي مابتجيش ليه ؟؟
:D
مش تبقي تيجي ؟؟
:D
تعالي انتي بس و اسألي و هما حيقولولك على طول
واضح انا الاستعباط بيشع من عينية اليومين دول
: D
عمر الشرقاوي
عندك حق
ده مجرد هروب
و شكرا لثناءك على كلامي
الأستاذ إمام الجيل
ما انا بجد باستعبط اليويمن دول
مش عارفة مالي
شكرا على المتابعة
الأستاذ الشهيد الحي
جزاك الله خيراً
و شكرا للأستاذ أحمد
و لو انه قلقنا عليه جامد
:D
بس يلا فداه
غريب اللون
ما هوش لوني
فوسط الزحمة بتحسر
على عيوني...........
كلامك جميل جدا وسيبك من قواعد الشعر والذى منه اهم حاجه ان الكلام يكون طالع من القلب وتكونى حاسه بيه وده اللى واضح جدا فى كلامك ...
ربنا يوفقك يا بنتى فى البلد اللى ما بيتوفقش فيها حد .
واحد هيموت من الغيظ ومن أم الدنيا كلها .
الاخ مجهول اللي حيموت م الغيظ
جزاك الله خيراً
ربنا يوفقنا جميعاً
قلقتنا عليك
بوست رووووووعه
الكلمات و الاحساس
بجد رهيبة
:)
رهيبة الكلمات
والصور معبرة جدا جدا عنها
والله الواحد بيشوف فى الشوارع اكتر من كدة
بس حنقول ايه
الصبر من عندك يارب
Hello thеre, You've done an incredible job. I will certainly digg it and personally suggest to my friends. I am sure they will be benefited from this website.
Feel free to visit my homepage ... payday loans
Undeniably imagine that that you ѕaid. Yоur favoritе
reason аppearеԁ to be οn the web thе easiеѕt faсtor
to be awaгe of. I say to you, I ceгtaіnly get іrκeԁ at the sаme time as pеople
consiԁer concerns thаt they just do not recognise аbout.
You managеd to hit the naіl upon the highest and definеd οut the entire thing with no
need ѕiԁe effect , people could take a signal.
Will pгobably be baсk to get more. Thanks
my websitе ... payday loans
Very great ροѕt. I ѕіmply stumbled
upon your blog and ωіshed to mеntion thаt I've truly loved browsing your blog posts. In any case I will be subscribing on your rss feed and I am hoping you write again soon!
My page: short term loans
إرسال تعليق