چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

((( استعباط ))))


Egypt3217



غريب اللون


ما هوش لوني


فوسط الزحمة بتحسر


على عيوني


بتتقطع على الصورة


و تتلجلج


في وسط وشوش


لا كنت في لحظة باعرفها


و لا حسوا


و عرفوني .....


Egypt3825


ف وسط التوهة و اللمة


بتسرح عيني


وسط الناس


خطوط الوش حكياها


و لما القصة تتكمل في كل دقيقة


بتعلم على جبينها


و تعرفها العيون لكن


تحاول


لحظة تنساها


و تتشاغل بحاجة في ايد بتعملها


و تتهرب من القصة


و تهملها


و لكن وسط شرخ القلب ساعات


تحنلها


و تتخفى ورا ستارة


عشان تلمح


تبصلها


و بتميّل على ميلها


و ترجع تاني تتغرب


و لسة القصة دقة قلبي حساها


Egypt0776



باتوه


و ف وسط توهاني


الاقي تهزني كلمة


و نظرة عين تناديني


تصحيني


عشان لو كنت مش سامعة


و تخطفني


ألف معاها في ثواني


و تجرحني


أحاول امحي دمعتها


أو اتكلم


يقيدني الالم و العجز و الغربة


و اتحول لطيف دمعة


و ارجع للسكات ... تاني


و باعمل نفسي مش فاهمة




58 comments:

اسكندراني اوي يقول...

اه ياني من الوشوش
والهموم اللي في القلوب
بوست يقطع القلب حراااااااااااااااام

مشروع انسان يقول...

الله شعر جميل جدا
بس طبعا الهروب مش حل ابدا بس ساعات الواحد بيلجأله مش عارف بس ساعات الواحد نفسه يعيش فى جزيرة لوحده ويهرب من الناس بس ده اكيد مش حل

Alaa يقول...

كلمات روووعة

ولــــــــــو يقول...

الكلام مش محتاج انه يتعلق عليه
كلام بسيط بس مؤثر جدا
والصور مصريه 100 % فعلا صور للمواطن المصري المطحون
تحياتي

غير معرف يقول...

بحد جميله و بسيطه
و وجعتلى قلبى اوى

اسلام رفاعى يقول...

شعر رائع جدا وسعيد بزيارة مدونتك الظريفة دى

الطائر الحزين يقول...

هاستعير كلمة عصفور المدينة

بحبك يا مسكين
احساس عالى ممزوج بمرارة ويأس

Rehab Saber يقول...

:)

جميلة

عازف الناى يقول...

اول زياره لمدونتك ولانها جديره بالزياره فلن تكون الاخيره

حدوته مصرية يقول...

اول زيارة ليكى و بوست جميل و كلمات جميلة

تحياتى لكى

ياسر سليم يقول...

بتعملى نفسك مش فاهمة


اوباااااااااااا

وبتضحكى علينا وتقولى انك لسه


عيلة وعايزه تفهمى

مشروع انسان يقول...

اللهم لك الحمد
تم الافراج عن احمد الجيزاوى الساعة 2.30

يلا مش مهم يقول...

مع انك عيلة
بس بجد
طلعتي فاهمة حاجات كتير
بجد
الله ينور
عليكي
ويللا مش مهم

Diyaa' يقول...

i ensure u that u r not a kid

Diyaa' يقول...

بما معني ؟
إنك ممكن تكوني عيلة جزئياً
لكن المجموع الكلي انتي أكثر نضجاً من ناس كتير أكبر مني وناس بيحكموا شعوب كمان
استمري في الكتابة وحسيت بالبوست ده أوي

هحتفظ بيه بعد إذنك
سلام عليكم

belal يقول...

احم ... ما شاء الله
جميل أوي ..نروح احنا بأه نلعب بعيد :D

هاني جابر يقول...

ما شاء الله
بوست جميل جدا
ربنا يباركلك
فعلا يعبر عن الشارع المصري بجد
وشوش تحمل كل المعاني
وكلمات تعبر عما في داخلنا
جميل جدا جزاك الله خيرا

mo'men mohamed يقول...

لا حول ولا قوة الا بالله
ايه يا جماعة الشوطة اللى فى المدونات دى
شوطة حزن وكآبه
على العموم نرجع ونقول للأسف احنا مش لاقيين حاجة تدعوا لغير ذلك
جزاك الله كل خير اختى
السلام عليكم

me يقول...

لالالالالالالالالالالالالا
عيلة إية دنتى مصيبة
وقطعتى قلبى بصورة الراجل العجوز ده

belal يقول...

مافيش حد بيرد علينا ليه..احنا اتقلبنا ولا ايه
....

Mai_Jeneen يقول...

اسكندراني قوي

لأ مش حرام يا أستاذنا
مش حرام نحس بالناس اللي ساكنة البلد دي مرة

و صدقني احنا برضة مش عارفين حاجة


تحياتي

Mai_Jeneen يقول...

الأستاذ إمام الجيل

أكيد الهروب مش حل
بس ساعات بالجأ للهروب كنوع من العجز ... عشان اهرب من وجع الضمير

Mai_Jeneen يقول...

باشمهندس علاء
جزاك الله خيراً
مش اروع من كلماتك

Mai_Jeneen يقول...

ولـــو

ما هي المشكلة في الصور
الصور اللي بتعدي علينا كل يوم
ساعات ناخد بالنا
و ساعات لأ
و ساعات نعمل نفسنا مش واخدنا بالنا

زيي كدة

Mai_Jeneen يقول...

مريم

جزاك الله خيراً
و بداية الحل فعلاً اننا نحس و نستشعر
و حنقدر نغير إن شاء الله

Mai_Jeneen يقول...

الأستاذ إسلام رفاعي

جزاك الله خيراً
و إن شاء الله ماتبقاش اخر زيارة

Mai_Jeneen يقول...

الطائر الحزين

كلمة توجع القلب قوي

ما هو المشكلة في المرارة .. و اليأس

Mai_Jeneen يقول...

كات

انتي اللي جميلة

: )

Mai_Jeneen يقول...

عازف الناي

جزاك الله خيرا

و منتظرة الزيارة كتير إن شاء الله

Mai_Jeneen يقول...

الأستاذ محمد ياسر
جزاك الله خيراً

و إن شاء الله ماتكونش اخر زيارة

Mai_Jeneen يقول...

أستاذ ياسر سليم

ما هو عشان كدة اسمه استعباط

:D

Mai_Jeneen يقول...

أستاذ مجدي سعد

سعيدة جدا برد حضرتك

بس انا مش فاهمة حاجت كتير و لا حاجة
منكم نستفيد

و برضة مش مهم

:D

Mai_Jeneen يقول...

الأستاذ ضياء

:D

جديدة عيلة جزئيا دي

و أكيد طبعا حضرتك احتفظ بالبوست ده شرف لية

Mai_Jeneen يقول...

الباشمهندس بلال

ده بعض ما عندكم يا أستاذنا

و بعدين ايه اساءة الظن دي ) وش متحفز )

اختك بتخرج كل يوم تقريبا من سبعة لسبعة
و برجع خلصانة انام لتاني يوم ( وش مرهق )

بيني و بينك الواحد مكسوف من نفسه ( وش مكسوف )

المفروض نبقى انشف من كدة ( وش بيلعب حديد )

مش عشان عشان شوية شغل اطلع بسكويت كدة ( وش مكسوف برضة )

المهم كنت مخصص مدونتك ليه اليومين اللي فاتوا ؟؟ كل حاجة بتتخصص و لا ايه ؟؟

Mai_Jeneen يقول...

الأستاذ هاني جابر

جزاك الله خيراً

ربنا يباركلك

اعطيتني أكثر من حقي كثيراً

Mai_Jeneen يقول...

دكتور مؤمن

هاتلي حاجة متفائلة و انا اكتب عنها !!!

شكلي حانضم لحزب الباشمهندس بلال للكاّبة قريب

جزاك الله خيراً

Mai_Jeneen يقول...

أستاذ ابن يسري

مصيبة !!! ( وش مخضوض )

:D

اخي صورة الراجل العجوز دي بالذات : (

ابوزياد الفاتح يقول...

ازيك يا عيله
هو لكى اسم تانى غير كده
مدونتك روعه والله
وصور اللى فيها حلوه جدا
وموضوعاتك جميله
عايزين مواضيع باستمرار كده
وشرفينى بالزياره لمدونتى
سلام عليكم

نـــــــور يقول...

بجد بوست رائع ، رغم انه يقطع القلب ..ومدونة رائعة ..تحياتي لكِ

وعجبتي حتة يبقى انت اكيد في مصر
:D :D

غير معرف يقول...

كلمات جميلة لدرجة اني مش عارفة اعلق عليها بس كمان الصور حقيقي لمسة قلوبنا بحاجة كده مش عارفة هى ايه
وانا باقترح انك تسمي نفسك
(انسانة وحاسة اوي بالناس)
جزاكي الله كل خير وربنا يوفقك دايما

Bou-ME يقول...

كلامك جميل قوووي و معبر و تحسي فيه بالاستعباط !!! هههههههههه

بهرج يا جميل بس من الواضح انه مش كلام عيلة خالص :):):):)

واحشاني جدا جدا يا بنتي...

غير معرف يقول...

سوف تظل المشكله كامنه وسف يظل الاستعباط مهمتنا اننا نحجم موضوع


شعر جميل جدا اجيكى عليه مع انى ما بحبش الشعر الا للشاعر هاشم الرفاعى غير كده بعتبرو كلام

مشروع انسان يقول...

ايه الاستعباط ده
كل اما اخش الاقى مفيش بوست جديد
ههههههههه
بهزر طبعا منتظرين الجديد

غير معرف يقول...

السلام عليكم ورحمت الله وبركاته

انا حبيت ابلغك شكر اخويا الجيزاوي

موضوع جميل اوي

Mai_Jeneen يقول...

الاخ أبو زياد

جزاك الله خيراً

المفروض لية اسم تاني غير كدة
چـِنين

بس عادي اللي تحبوه مفيش مشاكل

Mai_Jeneen يقول...

نور
الله يباركلك

تصدقي الحتة دي كنت ناوية اشيلها !!

Mai_Jeneen يقول...

بنات أفكاري

ايه الكلام الكبير
ده

لا يا عم

خليني في المعيلة احسن

لا يطلع الكلام ده تهمة جديدة و لا حاجة

Mai_Jeneen يقول...

مريم

اي ميس يو يا بنتي جدا جدا

انتي مابتجيش ليه ؟؟
:D

مش تبقي تيجي ؟؟
:D

تعالي انتي بس و اسألي و هما حيقولولك على طول

واضح انا الاستعباط بيشع من عينية اليومين دول

: D

Mai_Jeneen يقول...

عمر الشرقاوي

عندك حق

ده مجرد هروب
و شكرا لثناءك على كلامي

Mai_Jeneen يقول...

الأستاذ إمام الجيل

ما انا بجد باستعبط اليويمن دول

مش عارفة مالي

شكرا على المتابعة

Mai_Jeneen يقول...

الأستاذ الشهيد الحي

جزاك الله خيراً
و شكرا للأستاذ أحمد

و لو انه قلقنا عليه جامد
:D

بس يلا فداه

غير معرف يقول...

غريب اللون
ما هوش لوني
فوسط الزحمة بتحسر
على عيوني...........
كلامك جميل جدا وسيبك من قواعد الشعر والذى منه اهم حاجه ان الكلام يكون طالع من القلب وتكونى حاسه بيه وده اللى واضح جدا فى كلامك ...
ربنا يوفقك يا بنتى فى البلد اللى ما بيتوفقش فيها حد .
واحد هيموت من الغيظ ومن أم الدنيا كلها .

Mai_Jeneen يقول...

الاخ مجهول اللي حيموت م الغيظ

جزاك الله خيراً

ربنا يوفقنا جميعاً

قلقتنا عليك

و القادم....أجمل يقول...

بوست رووووووعه

الكلمات و الاحساس

بجد رهيبة

:)

ghalia يقول...

رهيبة الكلمات
والصور معبرة جدا جدا عنها
والله الواحد بيشوف فى الشوارع اكتر من كدة
بس حنقول ايه
الصبر من عندك يارب

غير معرف يقول...

Hello thеre, You've done an incredible job. I will certainly digg it and personally suggest to my friends. I am sure they will be benefited from this website.

Feel free to visit my homepage ... payday loans

غير معرف يقول...

Undeniably imagine that that you ѕaid. Yоur favoritе
reason аppearеԁ to be οn the web thе easiеѕt faсtor
to be awaгe of. I say to you, I ceгtaіnly get іrκeԁ at the sаme time as pеople
consiԁer concerns thаt they just do not recognise аbout.
You managеd to hit the naіl upon the highest and definеd οut the entire thing with no
need ѕiԁe effect , people could take a signal.
Will pгobably be baсk to get more. Thanks

my websitе ... payday loans

غير معرف يقول...

Very great ροѕt. I ѕіmply stumbled
upon your blog and ωіshed to mеntion thаt I've truly loved browsing your blog posts. In any case I will be subscribing on your rss feed and I am hoping you write again soon!

My page: short term loans