چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

بوست شخصي جداً ... طنشوه


السلام عليكم و رحمة الله و بركاته

الحمد لله أنا رجعت و دعيتلكم كلكم ... يمكن كانت غريبة غريبة شوية انك تلاقي نفسك عايز تدعي لناس ماتعرفهمش ... مش عارفة ... بس حاجة حسيتها و كنت عايزة أعملها


و شكرا لكل الناس اللي سألوا علية فعلاً بجد دي من أجمل الحاجات اللي بكسبها من كل اللي بنعمله ده

أول مرة أحس إني عايزة أكتب حاجة شخصية شوية

هية مش حاجة معينة بس هية شوية خواطر كدة على بعض جولي في اوقات و مناسبات مختلفة بس حسيت إن يمكن احناج ارجعلهم تاني

--------------------------------------------

الغربة

باكره الغربة قوي ...

كتير فرقتني عن ناس بحبهم
صحيح ماعشتش فيها
انا هنا و هما اللي بعيد

بس برضة فرقت ما بيننا

يمكن مش موجوعة قدهم
بس برضة موجوعة

---------------------------------

لأول مرة في حياتي اخد قرار اني اعمل الحاجة اللي انا عايزاها

بغض النظر عن الظروف
بغض النظر عن أفكار المجتمع
و إن أكيد الناس حتقول علية مجنونة

بس مادام باعمل حاجة مافيهاش أي غلط من أي نوع و ممكن تخليني مرتاحة بقية العمر
حيهمني كلام الناس في ايه ؟؟

القرارت المصيرية كتير بتبقى صعبة
و بتحتاج قوة جامد

بس ساعات لازم تيقى قوي
يا إما تقضيها و خلاص ... و أنت المسئول بقى

---------------------------------------

عارفين معنى كلمة ( توأم روحي ) ؟؟

أنا عارفاها

عمري ما تخيلت إنه يكون عندي صديقة وجودها في حياتي بالأهمية دي

طول عمري عندي صاحبة انتيم ... تمام

بس أول مرة أحس بشعور إن يبقى عندي صاحبة هية ... أنا

فعلاً بجد ...

لما تلاقي حد حاسس بيك قوي

فاهم افكارك قوي قوي

بيقول الكلمة قبل ما تنطقها

و بيحس باللي انت حاسس بيه من غير ما تقول
مش محتاج إنك تشكيله لو كنت في مشكلة ... لأنه بيبقى عارف كل حاجة لوحده
اقرب حاجة لما كنت مسافرة و قضينا 10 أيام مقعدناش مع بعض
أول ما ارجع ارفع سماعة التليفون ألاقيها بتقول كل اللي انا كنت بافكر فيه

ده اسمه ايه ؟؟

أختي الحبيبة
معرفتي بيكي كانت يادوب خمس شهور و احتمال كبير لظروف كتير تنتهي بصورة ما بعد شهرين بس لأننا ممكن نفترق
بس في الفترة القصيرة دي مش عارفة اقولك انتي بقيتي في حياتي ايه
ربنا يخليكي لية و مايفرقناش أبداً و يجمعنا في الفردوس الأعلى

-----------------------------------------

بس

طنشوا التدوينة دي ... حابقى ارجع اكتب كلام مهم قريب إن شاء الله

12 comments:

علاء يقول...

أولا
حمد الله على السلااااااااامة
بعد غياب طويل :)

ربنا يكرمك يارب
و ربنا يستجيب دعواتك
انا فعلا هاطنش البوست الشخصي ده :)
و مش هاقرا شخصي تاني
بس قلت أرحب بقدومك و غيابك

كنت بأطل على المدونة يوميا و الله :)
ربنا يكرمك و يحميكي
و يدخلك الجنة قولي آمين
و توأم روحك كمان :)

سلام عليكم

علاء يقول...

!!
بقدومك و غيابك ؟
انا باخرف و لا ايه
قدومك بعد غيابك
:)

ض/خالد يقول...

:)

ولــــــــــو يقول...

حمدالله على السلامه
هو فيه كلام اهم من كده
مع اني مش عارف ملابسات الكلام اللي انت كاتباه بس الواضح انه من القلب وبدون تكلف ولو كنتي فكرتي قبل ما تكتبيه يمكن مش كنا بنقراه دلوقت
ربنا يخليلك كل احبابك وصدقيني اجمل انواع الحب هو الحب ف الله
فهنيئا لتوأم روحك وهنيئا لكي
وربنا يديم المحبه

AbdElRaHmaN Ayyash يقول...

حمد الله على السلامة
و ان شاء الله تكون رحلة كويسة
أما بالنسبة لتوأم روحك
بجد امسكي فيها بايديكي و سنانك
و ربنا ما يفرقكوا ابدا
سلام

belal يقول...

تم تطنيش التدوينة ..والحمد لله

عيلة و عايزة افهم يقول...

باشمهندس علاء
ربنا يكرمك يارب
اّمين

ضحكتني : D

عيلة و عايزة افهم يقول...

ضاكتور خالد
: )

ولـــو
الله يسلمك
اّمين
ربنا يرزقك من تحبه فيه خالصاً لوجه

عيلة و عايزة افهم يقول...

أخويا الصغير عبد الرحمن
الله يسلمك
ربنا يرزقنا الصحبة الصالحة

أخويا الصغير برضة بلا ( أنا صحيح 18 بس اكبر منك على فكرة يعني لأن انا رايحة تالتة )

الحمد لله

على العموم أنا سايبة أخواتي الباشمهندسين الصغيرين يمرحوا عشان نتيجتهم خلاص

كنت قلقانة على نتيجتكم على فكرة و دخلت عندكم أشوف ايه الأخبار لكن واضح إنها لسة ماطلعتش

ربنا يكرمكم و ويوفقكم و ينجحكم بأعلى الدرجات

oOo_Mariam_oOo يقول...

اولا ألف الحمد لله على سلامتك

و انشاء الله السنة الجاية تكون حجة و تدعيلنا برضه

ثانيا انا عارفة اني وحشة قةةةي لأني بقالي فترة لا سألت و لا أي كلام بس صدقني أنا بقالي فترة مبلفش أصلا على المدونات

بكتفي بأني أنكد على نفسي في مدونتي و خلاص

أهم حاجة انتي عاملة ايه يا جميل ؟؟؟؟

أطياف يقول...


يا طرى ايه القرارات دى

يا خوفى يا بدراااان..

هتعمليها إذننننننن ...


و بعدين تعالى هنا

و مين توأم روحك

انتى تعرفى حد عليا ..

خياااااااااااانععععع

چـِنين ...عيلة و عايزة افهم يقول...

اطيااااااف

ما انتي عارفة اللي فيها و دافنينه سوا !!!

بخصوص الخيانة
احم احم

بعدين اشرحلك الموضوع ده