چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

قـــــــطــــــــــوف



عن احداث البارحة



عندما تجد الكثير مما خططت له يفتقر إلى التوفيق فعليك أن تتوقف ... إما أن تراجع نيتك ربما تكون تفتقر إلى الإخلاص ... أو تنظر إلى الأمر بعين الابتلاء ... أو تنظر إلى ذنوبك و تراجع علاقتك بالله ... و في كل الأحوال عليك بالاستغفار و التوبة و الدعاء


---------------------------------------------------------------------
انظر .... و تأمل


كنا بصدد تنظيم أمر هام

انشغلنا ثلاثة أشهر بأمر المكان

حتى استطعنا الحصول على المكان المناسب و التصاريح و استقر الأمر

فقمنا ( بكروتة ) بقية الأمور الأاخرى في أقل من ثلاثة أيام !

و هو ما جلب لنا القلق بشأنها كلها

و في يوم الحدث ... توقف الأمر ... من جهة المكان !

و بقيت كل الاستعدادات الاخرى موجودة و جاهزة !

لا أعرف لماذا تذكرت حديث الرسول صلى الله عليه و سلم :
( إذا سقطت لقمة أحدكم فليمط عنها الأذى ، و ليأكلها ، و لا يدعها للشيطان ، و ليسلت أحدكم الصفحة ، فإنكم لا تدرون في أي طعامكم تكون البركة )
الراوي: أنس بن مالك - خلاصة الدرجة: صحيح - المحدث: الألباني - المصدر: صحيح الجامع - الصفحة أو الرقم: 601


لا أدري العلاقة ...

لكن فعلاً لا يعرف أحدنا أين تكون البركة في كل أموره ...


------------------------------------------------------------------------------------------


عن الذهاب و العودة

قرأت أخيراً لأبي الذي أتعلم منه كثيراً الباشمهندس عصفور المدينة رد له في بوست قديم أننا يجب ألا ننشغل بمناسبات التدوني عن التدوين نفسه ... و هذا من الاخطاء التي كنت أقع فيها فعلاً و كثيراً

لذلك اّثرت ألا أفتح هذا الموضوع مرة أخرى ... لكن يمكنني القول باختصار أنني مررت بترجبة مهمة أعتقد أنها ستؤثر في شخصيتي و كتاباتي بعد ذلك ... و تعلمت منها الكثير ... و عادة ً ... ماحدش بيتعلم ببلاش


-----------------------------------------------------------------------------------------


يوم ضد الفقر
17 - 10

هو اليوم العالمي لمكافحة الفقر

كنت أستمع لتقرير البي بي سي عن أحداث اليوم العالمي لمكافحة الفقر ... و كيف أنهم اختاروا هذا العام تعبير ( قفوا ضد الفقر ) أي التعبير عن التضامن مع الفقراء بالوقوف !

و لا أدري ماذا سيستفيد الفقراء في جميع أنحاء العالم بوقوفي !

الفارق وقتها أنني كنت استمع إلى التقرير و أنا في قلب بيئة منغمسة في الفقر ... حيث كنت أؤدي واجب عائلي في إحدى قرى الوجه البحري بمصرنا الحبيبة .. و للعلم فإن قرى الوجه القبلي أكثر تأثراً بالفقر ة تعرضاً للإهمال

لا أستطيع أن أعبر عما رأيت

لكنني فقط متيقنة أن من ( وقف ) يومها و ظن أنه أدى ما عليه تجاه الفقراء فقد أخطأ كثيراً !

خاطرة ( 1 ) :

أين الزكاة و الصدقات ؟؟

خاطرة ( 2 ) :

المعصية ... أنانية

ألا نعتقد أن الله قد يبتلي الأمة بذنوبنا ؟؟

و مع ذلك قد نفضل لذة معصية لحظية عن أهل أمتنا ...

اللهم اغفر لنا و ارحمنا

خاطرة ( 3 ) :

رأى سعد رضي الله عنه أن له فضلا على من دونه ، فقال النبي صلى الله عليه وسلم : ( هل تنصرون وترزقون إلا بضعفائكم ) .
الراوي: مصعب بن سعد - خلاصة الدرجة: صحيح - المحدث: البخاري - المصدر: الجامع الصحيح - الصفحة أو الرقم: 2896


الاّن علمت لماذا لا يأتي النصر !

خاطرة ( 4 ) :

أطتب هذا الكلام و قد شاعت أخبار الزواج الأسطوري الأخير لأحمد عز و الذي تكلف عدد لا أعلمه من عشرات الملايين و كسورها

الاّن ازددت معرفةً بسبب تأخر النصر !

------------------------------------------------------------------

رابطة ... ابقى هاتلي حقي معاك بالمرة !

فعلاً فعلاً عجبت لكثير مما رأيت البارحة

امبارح عرفت من واحدة زميلتي في مجموعة تانية ان الطلاب المنظمين لرابطة حقي دخلولهم المدرج و قالولهم إنهم حيعملوا وقفة قدام مكتب العميد عشان يتفاضوا معاه بشأن المصاريف

كان عندي سكشن في نفس الوقت ... خلصت و نزلت على طول

لقيتهم واقفين فعلاً و موزعين على الناس أعلام عجبتني جداً الصراحة



و شايلين لافتات

و جه ناس من أعضاء هيئة التدريس اتكلموا و تضامنوا معاهم

و الطلبة عرضوا مطالبهم

معرفتش ايه اللي حصل بالظبط لأني جيت على الاخر بس أعتقد إن الموقف كان مثمر

المشكلة فعلاً إني ذهلت !

ذهلت من العدد اللي حاضر !

يعني بتاع 150 طالبة و طالبة

لو عرفنا ان كليتنا فيها 6 دفعات الدفعة حوالي 1200 طالب حنعرف إن اللي حضروا مايعتبرش عدد خالص !

مع إن الناس كانت واقفة في الساحة و بتتفرج ... إنما ماجتش ليه ؟؟ ماعرفش !

هو فيه ايه ؟؟
و تلاقي واحدة جاية تسأل انتوا واقفين ليه ؟؟

أصل احنا عاملين وقفة على غلاء المصاريف و دعم الكتاب و و و

ايوة ايوة صح ده كتاب دكتور مش عارفة مين بكام و دافعة مش عارفة كام فيه ايه

و البنت تطلع معبية و ساكتة

طب تعالي اقفي معانا

لأ اصل انا في الكلية من الصبح .. حاروح بقى !

الموضوع مش حيطول ...

لأ خليكم انتوا واقفين ... انا حامشي بقى !

و ده مجرد موقف !

بالفعل أنا امبارح كنت قربت انفجر من اللي شفته ...

ايه يا جماعة ده ؟؟

ليه السلبية دي ؟؟

مكسلين عن وقفة لمدة دقائق - ماستمرتش أكتر من ساعة على فكرة - ؟

مكسلين عن أمضاء لورقة عشان نرجع حقوقنا ؟

طب حتى لو انت قادر تدفع ... ليه مافكرتش في زميلك اللي مش قادر و مش عارف حتى يتكلم ؟

ليه مستنيين حد يجيبلنا حقوقنا و يحطهلنا في بقنا بالمعلقة ؟؟!!!

يعني حتى لما حد يتحرك مش عارفين حتى نسانده !!

يعني اجي اتحايل عليك عشان تاخد حقك !

طب الوضع مش عام ... فيه ناس كانت إيجابية فعلاً ... بس أنا شفت أكتر من موقف امبارح كانوا مستفزين فعلاً !


تجميعة خواطر كدة بس حبيت أكتبها ...

----------------------------------------------------

تحديث : فيه حاطرتين كانوا في دماغي و نسيت أكتبهم نتيجة لمرض النسيان المتأصل بي

مع إنهم من حيث الأهمية يستحقون أن يذكروا أولاً
--------------------------------------------------------

لسة بخير

امبارح قررت اتصفح الجرائد كدة على السريع و هذا أمر أصبحت لا أفعله كثيراً منذ فترة

المهم بقرأ في جريدة الأهرام ( أيوة باقرأ الأهرام ساعات ... مش عايزة ضرب )

و أنا أمر على العنواين سريعاً سريعاً كالعادة على أمل أن يستوقفني أحدهم

هذه المرة لما يستوقفني عنوان

لكن استوقفتني صورة ... هية عادية جداً و لكن لا أدري لما التفت لأقرأ الخبر المصاحب لها



حقيقة شعرت بالفرحة ... شعرت بالفحرة إلى حد ترقرق الدموع في عيني

لا أدري لماذا

لكنني شعرت بالأمل ينبض في قلب الظلام

شعرت ببراعم هذه الأمة

أتمنى أن أرى هذا الشاب يوماً من الكوادر و ألا تقتله عوامل الخيبة الكثيرة الموجودة

-------------------------------------------------

نظرة عن قرب

كنت قد قررت كتابة تدوينة طويلة عن المنهج الفكري و الأسلوب الحركي ... و النماذج المنقوصة ... و الجمع بين العلم و الارتباط بالواقع و التفاعل معه

و لكن رغبت أن أكتبها بصورة جيدة فأثرت الانتظار

إلا إنني مؤخراً قررت ألا أكتبها ... فقط لأنني وجدت كل ما أريده قوله تقريباً متثملاً في إنسانٍ يمشي على الأرض

شاب مصري


تابعته طويلاً عن بعد ... و اّثرت الاّن أن أكتب عنه قبل أن أكتب عنده

هو فكر يستحق أن نطلع عليه ... و عقل يستحق أن نحاوره

على فكرة قبل أن أتعرف على مدونته كنت ألمح هذه الأفكار التي أتحدث عنها في أشخاص اّخرين مثل أبي الباشمهندس عصفور المدينة و الأستاذ إمام الجيل

لكن الفارق فقط أنني رأيته يتحدث عن هذه النقطة بالذات و يناقشها بوضوح أكثر من مرة و يقرنها بمواقفه حتى لا يظن أحدهم أن النموذج الذي نتحدث عنه مستحيل

أريد فقط أن أقول

طاب قلمه

و أحيلكم إلى هناك

16 comments:

عصفور المدينة يقول...

ابنتي جزاك الله خيرا

سعيد بالبوست
وسعيد بنضج شخصيتك
وسعيد بالرقي الفكري في ربط حديث
لا تدرون في أي طعامكم البركة
وسعيد بتلخيص السلبية في شعار
رابطة ابقى هات لي حقي معاك

وسعيد أني شريك في الأجر
بارك الله فيك


وأؤكد التعاطف الأجوف مع الفقراء والذي ينفق على دعاياته ما يطعم آلاف الأفواه لا يحل مشاكل الفقراء بل هو مخدر للسادة

عصفور المدينة يقول...

قرأت التحديث وياريت تشوفي تعليقي على التدوينة السابقة قبل الحالية لبراء
https://www.blogger.com/comment.g?blogID=29673535&postID=811327617752142182

ياسر مدني ...دينامو الإخوان يقول...

في ذكري وعد بلفور ...لا تنسوا الدعاء لإخوانكم في فلسطين
والدعاء علي الظالمين..واللهم تقبل...وتيقنوا أن الدعاء سلاح مهم لكل المسلمين

عصفور المدينة يقول...

صحيح لاحظت أن الطالب هيثم (المخترع) في الصورة ملتحي
:)

امام الجيل يقول...

ايه ده قعدت اقرا الخواطر خاطرة خاطرة بس اول ما شفت اسمى تفجات
جزاكم الله خيرا
بحب انا موضوع الخواطر فى التدوين
واعتقد ان ده اصل التدوين
مجموعة خواطر
بقول زى استاذ محمد
ما شاء الله على نضج حضرتك
مين بس قال عيلة مش عارف
وبالنسبة للسلبية ففعلا بقت قاتلة ايام الجامعة لما كانت بتحصل مظاهرة مكنوش بس مش بيشاركوا لا كمان كان منهم يتريق ويهزر
سبحان الله بس غلابة ربنا يهديهم
وربنا يتقبل عملك الخيرى بجد مفيش احسن من ان الواحد يساعد الناس
الناس محتاجيلنا اوى
فيه حاجة جميلة اوى استوقتنى بالنسبة للذنوب والانانية ربنا يكرمك
معنى جميل اوى

آلام وآمال يقول...

ربنا يبارك فيكي

مدونتك حلوة وتستحق المتابعة

المهـ إلي الله ـاجر يقول...

بارك الله فيك

اصرار أمل يقول...

طاف بى قلمك لفضاءات رحبة ؛
طبتى ياغالية ؛
وبارك الله لك؛
ولا حرمك الأجر .......

چــِنـيـن ... عيلة و عايزة أفهم يقول...

أبي الباشمهندس عصفور

أنا سعيدة إن حضرتك سعيد

بس فعلاً حضرتك حاسس بنضج شخصيتي ؟؟

أنا حاسة إنه لسة بدري قوي



-------------------------


كنت لسة حسأل حضرتك مين براء : D

لأ واضح إن لسة قدامي شوية على موضوع النضج ده : D

-----------


انا برضة لاحظت أنه ملتحي ... و ده اللي لفت نظري للصورة و الخبر

چــِنـيـن ... عيلة و عايزة أفهم يقول...

ياسر مدني

جزاك الله خيراً على التذكرة

فعلاً كنت أحتاجها

چــِنـيـن ... عيلة و عايزة أفهم يقول...

أستاذي إمام الجيل

اه و شوفت حضرتك جبته في اخر خاطرة عشان عنصر المفجأة يبقى مكتمل

: D

ايه موضوع النضج اللي طالع علية اليويمن دول

انا كدة حاتغر

: D



ربنا يهدينا جميعاً

چــِنـيـن ... عيلة و عايزة أفهم يقول...

ربنا يبارك في حضرتك يا فندم

سعيدة بتواجدك

چــِنـيـن ... عيلة و عايزة أفهم يقول...

المهاجر إلى الله

ربنا يبارك في حضرتك

أنا فعلاً باستمتع و انا باقرأ المدونة بتاعة حضرتك

جزاك الله عنا خيراً

چــِنـيـن ... عيلة و عايزة أفهم يقول...

إصرار أمل

جزاكِ الله خيراً

سعيدة أن قد وصلت رسالتي

و سعيدة أكثر بتواجدك

: D

Container Entsorgung يقول...

حابيييييييييييييين نشوف الاخبار والمشاركات الجديدة !

Kellerentrümpelung Wien يقول...

شكراً جزيلاً ع المجهود ... :)