عن المذاكرة و الامتحانات ... و أشياء اخرى !!!
اااااااااااااااااااااااااااااااااه
( دي تنهيدة على فكرة مش صويتة )
مش عارفة ليه قلت اكتب دلوقتي
مع غني كنت متفقة مع نفسي اتفاق غير معلن اني مش حاكتب غير بعد الامتحانات
قال يعني بذاكر !!!!
بس نقول ايه بقى
بنحط نفسنا في الاتموسفير بتاع الموضوع ( وش مش فاهم حاجة )
اللي كنت بافكر فيه
ليه دايما لما بتيجي الامتحانات بنوقف كل حاجة بنعملها في حياتنا انتظاراً لمرورها الكريم !!!
مع إننا مش دحاحين يعني !!!
و كدة كدة عارفين إن الشهادات في مصر مابتعملش حاجة !!!
لكن بننظر للامتحانات على انها قرار مصيري ... اكون أو لا أكون ....
ليه الحياة ماتبقاش سهلة كدة و ايزي و تمام و الحاجات دي تبقى زيها زي غيرها من الاحداث اللي بتعدي علينا في حياتنا
ما هي كدة كدة بتعدي
و الامتحانات بتيجي و تنتهي و النتيجة تطلع و يمكن نفرح و يمكن نحزن لكن في الاخر كدة كدة بننسى
مش على الامتحانات بس
على حاجات كتيرقوي بنستناها في حياتنا
و في الاخر تيبقى مجرد ... حدث ... و عدى
بابص للعيال الصغيرة اللي بتلعب في الشارع و بيبقى نفسي امسك الواد من دول و اصوت في وشه ( يااااا بختك )
عايش حياتك زي ما انت عايز ... مش شايل هم الناس بتفكر في ايه و لا حتقول ايه ... مش شايل هم إنك تقعد طول عمرك تندم على حاجات قلتها أو حاجات ماقلتهاش ... مش شايل هم ناس تانية حاسس إنك مسئول عنهم بشكل او باخر ...
بس مابعملش كدة
عشان ممكن الاقي مامت الواد طلعتلي من اللامكان و تتهمني اني عايزة اخطف ابنها و ابقى رحت في داهية يا معلم ...
او ممكن حد يطلبي مستشفى المجانين .... او على الاقل لما امشي في الشارع بعد كدة العيال حترميني بالطوب ....
و تالت حاجة بقى ماما قالت لي : مين قالك إن العيال دي كمان ماعندهاش مشاكل ؟؟
مش عارفة
يمكن اطفال الشوارع عندها مشاكل
الاطفال اللي في الورش و الاشارات عندهم مشاكل
يمكن أنا ظالمة الاطفال ....
مش عارفة برضة ....
اللي بيخليني أسأل نفسي بعد كدة كل ده ...
هي فكرة
إني ياريتني بادرس حاجها باحب دراستها
يعني مش سهل ان الدنيا تبقى زي ما بنحب
يعني في الاول و في الاخر هي مش فارقة
زي حاجات كتيرقوي في حياتنا مش فارقة
طب بنعمل في نفسنا كدة ليه ؟؟
عادي عادي ...
ماحدش يبص خالص للتدوينة دي و لا يعبرها
اهو في الاخر تهييس امتحانات .....
( دي تنهيدة على فكرة مش صويتة )
مش عارفة ليه قلت اكتب دلوقتي
مع غني كنت متفقة مع نفسي اتفاق غير معلن اني مش حاكتب غير بعد الامتحانات
قال يعني بذاكر !!!!
بس نقول ايه بقى
بنحط نفسنا في الاتموسفير بتاع الموضوع ( وش مش فاهم حاجة )
اللي كنت بافكر فيه
ليه دايما لما بتيجي الامتحانات بنوقف كل حاجة بنعملها في حياتنا انتظاراً لمرورها الكريم !!!
مع إننا مش دحاحين يعني !!!
و كدة كدة عارفين إن الشهادات في مصر مابتعملش حاجة !!!
لكن بننظر للامتحانات على انها قرار مصيري ... اكون أو لا أكون ....
ليه الحياة ماتبقاش سهلة كدة و ايزي و تمام و الحاجات دي تبقى زيها زي غيرها من الاحداث اللي بتعدي علينا في حياتنا
ما هي كدة كدة بتعدي
و الامتحانات بتيجي و تنتهي و النتيجة تطلع و يمكن نفرح و يمكن نحزن لكن في الاخر كدة كدة بننسى
مش على الامتحانات بس
على حاجات كتيرقوي بنستناها في حياتنا
و في الاخر تيبقى مجرد ... حدث ... و عدى
بابص للعيال الصغيرة اللي بتلعب في الشارع و بيبقى نفسي امسك الواد من دول و اصوت في وشه ( يااااا بختك )
عايش حياتك زي ما انت عايز ... مش شايل هم الناس بتفكر في ايه و لا حتقول ايه ... مش شايل هم إنك تقعد طول عمرك تندم على حاجات قلتها أو حاجات ماقلتهاش ... مش شايل هم ناس تانية حاسس إنك مسئول عنهم بشكل او باخر ...
بس مابعملش كدة
عشان ممكن الاقي مامت الواد طلعتلي من اللامكان و تتهمني اني عايزة اخطف ابنها و ابقى رحت في داهية يا معلم ...
او ممكن حد يطلبي مستشفى المجانين .... او على الاقل لما امشي في الشارع بعد كدة العيال حترميني بالطوب ....
و تالت حاجة بقى ماما قالت لي : مين قالك إن العيال دي كمان ماعندهاش مشاكل ؟؟
مش عارفة
يمكن اطفال الشوارع عندها مشاكل
الاطفال اللي في الورش و الاشارات عندهم مشاكل
يمكن أنا ظالمة الاطفال ....
مش عارفة برضة ....
اللي بيخليني أسأل نفسي بعد كدة كل ده ...
هي فكرة
إني ياريتني بادرس حاجها باحب دراستها
يعني مش سهل ان الدنيا تبقى زي ما بنحب
يعني في الاول و في الاخر هي مش فارقة
زي حاجات كتيرقوي في حياتنا مش فارقة
طب بنعمل في نفسنا كدة ليه ؟؟
عادي عادي ...
ماحدش يبص خالص للتدوينة دي و لا يعبرها
اهو في الاخر تهييس امتحانات .....
الاشتراك في:
تعليقات الرسالة (Atom)
8 comments:
على فكرة ده لا تهييس و لا حاجة...ده كان نفس شعوري و الله لما بدأت امتحاناتي حتى لما خلصتها يوم الخميس...برضه لسه عندي نفس الشعور و نفس التساؤلات....
و الله برافو عليكي انك عرفتي توصفيه :):):) أصلي معرفتش أوصفه...
الحمد لله أنا خلصت...عقبالك يا جميل
مريومة
يا خبر
دي طلعت الجينات في الجيل كله بقى !!!!!!
يا رب يا بنتي نطلع من الامتحانات دي على خير
اللهم أمين
يا ستي أنا بدورلك على ميل و لا أي حاجة عشان أرغي معاكي أكتر من خلالها مش لاقية و انت مش بتتكتبي أي تعليقات عندي فا مش عارفة أجيب ميلك :):) دي احتياطات أمنية و لا ايه ؟؟؟
عموما ميلي عندك عايزة أتعرف عليكي أكتررررر
أبناء مصر
بنحب, هنقدر, هنغير
http://abna2masr.blogspot.com/
بقولك انت شخص صريح جدا وده اكتر حاجه عجبتنى لأن كانا بنعمل اللى بتقولى عليه ده
مصطفى شحاته tafe87@yahoo.com
ده الي ناقص
الحقد عالاطفال
اه يا عالكم يا حقوده
مش انتم وانتم صغيرين كنتم عايزين تكبروا ؟
اشربوا
أول زيارة لمدونتك
جميلة جدا
ربنا يبارك فيكي و يحفظك و يدخلك الجنة
قولي آمين
مريومة
لا احتياطات امنية و لا حاجة : D
بس كنت مشغولة شوية عشان الامتحانات ( اللي لسة ماخلصتش ) فماكنتش بعلق كتير في المدونات
انا حطيت ايميلي اهة و حابقى اجي ارد عندك يا ستي بس بلاش تجيبي سيرة للمصادر الامنية اللي بتتعاملي معاها :D
أستاذ مصطفى
ربنا يكرمك
ساعات بعد ما باكتب الحاجات دي اجي اقراها بعدها بفترة و اقول ايه اللي انا كتبته ده !!!
أستاذنا أحمد
اقول ايه ... غلطة .. مافهمنهاش غير بعد ما كبرنا ...
و تصدق اكتشفت إن معظم احلامي اللي كنت باحلم بيها و انا صغيرة طلعت كوابييييييس
أستاذنا علاء
امين
ربنا يكرمك
حانتظر تعليقاتك ..
إرسال تعليق