((( كن مستعداً ! )))
السلام عليكم و رحمة الله و بركاته
عدنا بعد الفاصل ... بناءاً على تعليمات مشددة من العزيزة سمر ماهر اللي مقدرش ارفضلها طلب
الحقيقة ماقدرش اقولكم تعليقاتكم على البوست اللي فات أسعدتني قد ايه ... على اختلاف اتجاهتها سواء المؤيد و المعارض ...
لأنه و إن دل على شيء فبيدل على إن الناس فعلاً حاسة بالموضوع بشكل ما ...
يعني ماكنتش تهيؤات عندي و عليه فيه احتمال كبير إني اكون سليمة عصبياً و ده شيء رائع جداً يعني !
إن شاء الله هارجع ارد عليهم كلهم بس هما ما شاء الله كتير و انا رغاية فلو استنيت ارد قبل ما انزل البوست الجديد يبقى هينزل مع تخرجي كدة و عليكم خير : )
طيب ندخل في الموضوع على طول ... كان المفروض البوست ده ابدأه بتهنئة عشان الإفراج عن محمد رفعت بس الحقيقة إن هو لسة مارجعش بيتهم لحد دلوقتي مع إن قرار الإفراج كان يوم 17-8 ... و عليه تؤجل التهنئة إلى حين عودته بالسلامة بإذن الله و نستبدلها بالدعاء لله تعالى بأن يفرج كربه و يرده إلى أهله سالماً غانماً ....
على فكرة رضوى رفعت أخت محمد بتدعوكم بكرة لوقفة احتجاجية امام محمكمة النقض الساعة 12 الصبح إن شاء الله ( اللي هو صباح يوم السبت 23-8 ) ياريت اللي يقدر يجي بجد لأن مهم جداً إن العدد اللي جاي يكون كبير .... اعتذر عن الإبلاغ متاخراً لكن أن تأتي متاخراً أفضل من ألا تأتي ...
بمناسبة الموضوع ده ... و دخولنا على رمضان ... و حاجات تانية كتير ... مش لاقية موضوع اتكلم فيه غير
الاستعداد
اول امبارح كنت باقرا البوستات القديمة في مدونة جسر التواصل و وصلت للبوست ده
عجبتني اوي جملتها " كنت اقعد اقولها يبقى تحمدي ربنا ... لأنه بيحضّرك لحاجة كبيرة قوى في حياتك "
كنت حاسة المعنى ده بس ماكنتش عارفة اوصل للصياغة اللي هي وصلت ليها دي ... صياغة قوية فعلاً
الفترة اللي فاتت دي مريت بشوية حاجة ماكنتش متعودة عليها ... و ماكنتش متخيلاها هتعدي علية بالقوة دي ...
واحدة صاحبتي ربنا يمسيها بالخير قالت لي ساعتها إن الحاجات دي كانت لازم تعدي علية في الفترة دي زي ما هي كدة ....
الأمور لازم تبقى كدة عشان هتفرق معايا بشكل ما ...
فهمت الفكرة بشكل ما ... بس فهمتها بشكل أوضح بعد ما قريت جملة المجاهدة دي .... حسيت فعلاً بالمعنى ... التحضير ... الاستعداد ...
ساعات الواحد ممكن يمر بحاجات مايبقاش متخيلها و لا مستوعبها ... بعدها بفترة يلاقي إن الحاجات دي غيرت فيه بصورة كبيرة فرقت معاه اوي في حياته بعد كدة ...
عشان كدة كل واحد لازم ياخد كل موقف يعدي عليه سواء ابتلاء بالخير او بالشر على إنه تحضير ... لازم يأثر فيك و يغير فيك حاجة و يخليها أحسن لو انت تعاملك معاه كان صح ...
و مش بس الابتلاء ... أي حاجة بتحتاج تحضير قبلها ... اقربها الكلية و الامتحانات ... و رمضان بما إنن خلاص قربنا عليه - كل سنة و انتوا طيبين - أي حد بيدخل تجربة جديدة طبيعي إنه يبقى مجهز نفسه لما هو مقبل عليه ....
الفترة اللي فاتت حصلت شوية حاجات كدة و لقيت نفسي مرة واحدة في قلب الدنيا و بتعامل معاها بقوة .... مع الأخذ في الاعتبار إن انا كائنة بيتوتية في الاساس فمش هاقولكم إن انا اصطدمت بأرض الواقع ... لأ ... انا اتهرست ... اتخرشمت ... ألفاظ قوية كدة تعبر عن المكنونات الحقيقية للمعنى .... و عانيت بعدها معاناة نفسية لا بأس بها على ما بدأت استوعب النقلة الحضارية اللي حصلتلي : )
اللي فهمته بعدها إن اللي حصل ده حصل بكل بساطة لسبب واحد ... إني ماكنتش محضرة نفسي ... !
مش طبيعي حد مايعرفش السباحة يجي مرة واحدة يرمي نفسه في البحر و هو متخيل إن كل حاجة هتبقى تمام ...
عشان كدة الواحد ساعات مابيبقاش مستوعب حاجات بتحصله ... رغم إن فيها أكبر فايدة ليه ...
و عشان انا فهمت المعنى دلوقتي ... بدأت احضر نفسي ....
احضر نفسي لحاجة جاية معرفهاش بس انا عارفة انها جاية ... ممكن تكون ابتلاء كبير أو مسئولية كبيرة أو حتى نعمة كبيرة ابتلى فيها بالخير ... ماعنديش فكرة بالظبط ...
داخلة خلاص على بداية اني اجهز نفسي من جوة ... خصوصاً و احنا مقبلين على رمضان ... و إني اجهز جوارحي و تعاملي مع الدنيا من برة ....
معنديش كلام تاني اقوله ... بس كل واحد يفكر شوية ... و يشوف ... و يفتكر مواقف حياته هيلاقي من المعنى اللي باقول عليه كتير ...
و شكراً جزيلاً
و هاقفل البوست على كدة بقى عشان اي كلام هاقول زيادة هتبقى رغي مالهاش هدف D :
عدنا بعد الفاصل ... بناءاً على تعليمات مشددة من العزيزة سمر ماهر اللي مقدرش ارفضلها طلب
الحقيقة ماقدرش اقولكم تعليقاتكم على البوست اللي فات أسعدتني قد ايه ... على اختلاف اتجاهتها سواء المؤيد و المعارض ...
لأنه و إن دل على شيء فبيدل على إن الناس فعلاً حاسة بالموضوع بشكل ما ...
يعني ماكنتش تهيؤات عندي و عليه فيه احتمال كبير إني اكون سليمة عصبياً و ده شيء رائع جداً يعني !
إن شاء الله هارجع ارد عليهم كلهم بس هما ما شاء الله كتير و انا رغاية فلو استنيت ارد قبل ما انزل البوست الجديد يبقى هينزل مع تخرجي كدة و عليكم خير : )
طيب ندخل في الموضوع على طول ... كان المفروض البوست ده ابدأه بتهنئة عشان الإفراج عن محمد رفعت بس الحقيقة إن هو لسة مارجعش بيتهم لحد دلوقتي مع إن قرار الإفراج كان يوم 17-8 ... و عليه تؤجل التهنئة إلى حين عودته بالسلامة بإذن الله و نستبدلها بالدعاء لله تعالى بأن يفرج كربه و يرده إلى أهله سالماً غانماً ....
على فكرة رضوى رفعت أخت محمد بتدعوكم بكرة لوقفة احتجاجية امام محمكمة النقض الساعة 12 الصبح إن شاء الله ( اللي هو صباح يوم السبت 23-8 ) ياريت اللي يقدر يجي بجد لأن مهم جداً إن العدد اللي جاي يكون كبير .... اعتذر عن الإبلاغ متاخراً لكن أن تأتي متاخراً أفضل من ألا تأتي ...
بمناسبة الموضوع ده ... و دخولنا على رمضان ... و حاجات تانية كتير ... مش لاقية موضوع اتكلم فيه غير
الاستعداد
اول امبارح كنت باقرا البوستات القديمة في مدونة جسر التواصل و وصلت للبوست ده
عجبتني اوي جملتها " كنت اقعد اقولها يبقى تحمدي ربنا ... لأنه بيحضّرك لحاجة كبيرة قوى في حياتك "
كنت حاسة المعنى ده بس ماكنتش عارفة اوصل للصياغة اللي هي وصلت ليها دي ... صياغة قوية فعلاً
الفترة اللي فاتت دي مريت بشوية حاجة ماكنتش متعودة عليها ... و ماكنتش متخيلاها هتعدي علية بالقوة دي ...
واحدة صاحبتي ربنا يمسيها بالخير قالت لي ساعتها إن الحاجات دي كانت لازم تعدي علية في الفترة دي زي ما هي كدة ....
الأمور لازم تبقى كدة عشان هتفرق معايا بشكل ما ...
فهمت الفكرة بشكل ما ... بس فهمتها بشكل أوضح بعد ما قريت جملة المجاهدة دي .... حسيت فعلاً بالمعنى ... التحضير ... الاستعداد ...
ساعات الواحد ممكن يمر بحاجات مايبقاش متخيلها و لا مستوعبها ... بعدها بفترة يلاقي إن الحاجات دي غيرت فيه بصورة كبيرة فرقت معاه اوي في حياته بعد كدة ...
عشان كدة كل واحد لازم ياخد كل موقف يعدي عليه سواء ابتلاء بالخير او بالشر على إنه تحضير ... لازم يأثر فيك و يغير فيك حاجة و يخليها أحسن لو انت تعاملك معاه كان صح ...
و مش بس الابتلاء ... أي حاجة بتحتاج تحضير قبلها ... اقربها الكلية و الامتحانات ... و رمضان بما إنن خلاص قربنا عليه - كل سنة و انتوا طيبين - أي حد بيدخل تجربة جديدة طبيعي إنه يبقى مجهز نفسه لما هو مقبل عليه ....
الفترة اللي فاتت حصلت شوية حاجات كدة و لقيت نفسي مرة واحدة في قلب الدنيا و بتعامل معاها بقوة .... مع الأخذ في الاعتبار إن انا كائنة بيتوتية في الاساس فمش هاقولكم إن انا اصطدمت بأرض الواقع ... لأ ... انا اتهرست ... اتخرشمت ... ألفاظ قوية كدة تعبر عن المكنونات الحقيقية للمعنى .... و عانيت بعدها معاناة نفسية لا بأس بها على ما بدأت استوعب النقلة الحضارية اللي حصلتلي : )
اللي فهمته بعدها إن اللي حصل ده حصل بكل بساطة لسبب واحد ... إني ماكنتش محضرة نفسي ... !
مش طبيعي حد مايعرفش السباحة يجي مرة واحدة يرمي نفسه في البحر و هو متخيل إن كل حاجة هتبقى تمام ...
عشان كدة الواحد ساعات مابيبقاش مستوعب حاجات بتحصله ... رغم إن فيها أكبر فايدة ليه ...
و عشان انا فهمت المعنى دلوقتي ... بدأت احضر نفسي ....
احضر نفسي لحاجة جاية معرفهاش بس انا عارفة انها جاية ... ممكن تكون ابتلاء كبير أو مسئولية كبيرة أو حتى نعمة كبيرة ابتلى فيها بالخير ... ماعنديش فكرة بالظبط ...
داخلة خلاص على بداية اني اجهز نفسي من جوة ... خصوصاً و احنا مقبلين على رمضان ... و إني اجهز جوارحي و تعاملي مع الدنيا من برة ....
معنديش كلام تاني اقوله ... بس كل واحد يفكر شوية ... و يشوف ... و يفتكر مواقف حياته هيلاقي من المعنى اللي باقول عليه كتير ...
و شكراً جزيلاً
و هاقفل البوست على كدة بقى عشان اي كلام هاقول زيادة هتبقى رغي مالهاش هدف D :
الاشتراك في:
تعليقات الرسالة (Atom)
25 comments:
:huh:
اى كانت بيليف ماى ايز :D
الايمان بالقدر من أعظم النعم اللى ربنا أوجدها
يعنى
وقت ما يحصلك موقف صعب
او تضيع منك حاجه كنت مستنيها
وتلاقى نفسك بتقول ( الحمد لله ) وانت حاسس بيها وبمعناها وبفضلها
تلاقى الدنيا بدأت تضحكلك من تانى
وتلاقى ان الحاجه دى لو كانت حصلت كان ممكن تحصل أزمات كتير من بعدها
وان عدم حدوثها كان فضل من ربنا
وانه اكيد اللى ربنا شايلهولك فيه خير كتيييييييييير
عودة حميدة بإذن الله
..
محمد عادل بيقوللي ان محمد رفعت خد قرار اعتقال
الكائنات الحية اللي ماسكة دي ماتستاهلش الحياة فعلا
..
الصراحة يعني مش فاهم البوست أوي
يعني لو الكلام عن رمضان ..أوك كنت هاففهم
يعني بيتهيألي نك مش تتكلمي عن الاستعداد ..لاني مش فاهم ازاي هاستعد لحجاة مش متوقعة
يعني ممكن تكوني تقصدي المرونة ..أو التأقلم ..الرضا ..المواجهة..القوة النفسية
بس مش الاستعداد
..
شكرا لله لك على تذكرتك الرقيقة
وبلغنا رمضان على خير وبر وطاعة وايمان
أعاننا الله وإياك
إيه بقى حكاية "داخلة على بداية إني أجهز"
مافيش وقت يعني 3 كلمات كلهم همة عايزين تنفيذ
أخيرا كتبتي سسس
انتي عارفه انا لسه قاريه البوست دلوقتي قبل كلامنا امبارح
لو أحنا بقي بقينا كده اصلا هيحل مشكله كلام امبارح
فاهمه أي حاجه ننن
بعد التحية والسلام وكل سنة وإنتى طيبة ورمضان كريم والحاجات الكتير دى
نبتدى بقى
عارفة أحيانا بتكون ليكى مهمة ما فى الحياة, مهمة اتخلقتى ليهاأصلا
لازم عشان تصلى إلى الدرجة إللى تستاهلى فيها المهمة دى تمرى بكذا حاجة كدا تخليكى أقوى ,أقدر على المواجهة ,أكثر احتمالا ...هكذا
حسيت دا جدااا بعد العسكرية
الفكرة بس بتبقى الإيجابية فى التفكير
إنك تحسى أن كل هذا وراؤه ما هو أكبر
وهذا الأكبر يستلزم الاستعداد
ربنا يكملك بعقلك يا بنتى
وهنقفل على كدا
عشان أى كلا م بعد كدا هيكون رغى مالهوش لازمة
D:
سلميلى بقى على آنسة طفطف جدااا
ودمتى بكل خير
وربنا يوقفك فى امتحانات الأحد والاتنين
حبيبتي
كل عام وانتم الى الرحمن اقرب
يارب وفقنا ونغتنم الفرصة صح
كل سنه و حضرتك طيبه
واهلا بعوده حضرتك
مدونه حضرتك جميله ماشاء الله اناضفتها للمفضله
رمضان كريم
رمضان كريم
مدونة مميزة .. دمتم مبدعيين
ائيهائهاعععععععععععععععع
وحسرتااااااااه
جاهيزييييييييييين
الله يوفقكم..ع المجهود...:)
الله يعينكم على المجهوووووووووووووود :)
Allah is with you ... :)
الله معكم .. اتمنى عرض الجديد بأستمرار
تحياتى لكم .. فين الموضوعات الجديدة
دوماً موفقين ... وبأنتظار الجديد ..
فجئنا دوووما بالجديد ... موفق
Vielen Dank .. Und ich hoffe, Sie Mved Entwicklung und Schreiben von verschiedenen Themen :)
مدونه رائعه ...))
:)) ... شكرا لكم .. دائما موفقين
umzug - umzug wien - umzug wien
إرسال تعليق