چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

((( يــــــــــــــــــاه !!! )))




غارقة وسط أوراق الفارما .... افتكرت محاضرة سنة أولى ... لما رئيس قسم الفسيولوجي كان بيشرح نظام المذاكرة و الأسئلة و الحاجات دي

" كل أسماء الادوية في autonomic لا تعنيني في شيء ... عندكم في سنة تالتة مادة كاملة اسمها فارما هتدرسوا فيها الأدوية دي بالتفصيل "

سامعة صوته في ودني كأنه لسة مخلص كلامه ...

معقولة الأيام بتجري بسرعة كدة ؟؟

على فاصل أربعة أشهر من العشرين ... حاسة عمري كله بيعدي في لمحة قدامي

و لسة ماوصلتش لأي حاجة من اللي عايزة أوصله

حاسة كأن عمري بيتسرب من بين إيدية !!

حاسة إني بقيت عجوزة ... عجوزة أوي ...

و بردانة !





52 comments:

SOLITUDE® يقول...

D:
إنتي في سنة كام يا بنت؟؟ :))
لسة لما هتتخرجي إن شاء الله هتلاقي الشعور ده بيكبر أكتر وأكتر...

بس بردانة إزاي في الحر ده؟؟ وطي التكيف شوية D:

كلام جد بقى...أهم من وصولك إلى ما تريدين هو عدم فقدانك للبوصلة نفسها، الواحد بيتغير جامد أوي في آخر سنتين في الكلية...خلي بالك من البوصلة كويس :))

تحياتي

سمر الشافعى يقول...

هييييييييه دنيااااا

فكرتينى باللذى مضى ايام الفارما والباثولوجى ربنا يابنتى يعينك بس ايه حكايه عجزت وكبرت والكلام دا انتى كدا بتشتمينا ولا ايه يعنى احنا كدا فى عداد المفقودين بقى لما انتى وانتى فسنه تالته عجزتى اومال امتياز الغلابه دول يعملو ايه

بس سيبك انتى احنا لسه شباب وزى الورد وبصحتنا ونعجبك يعنى

ربنا معاكى فى امتحاناتك

عصفور المدينة يقول...

عجوزة وبردانة وعيلة ؟؟
ربنا يعينك

مشروع انسان يقول...

هلا بحضرتك

وربنا يعينك
ويسهلك امورك

جميل الشعور ان ده ان الواحد بيشعر بنفسه ومدى قربها او بعدها عن الهدف اللى عايزه

بس الاجمل ان يبدا ويحاول ويجتهد انه يظبط نفسه

مدام عرف ان فيها خلل

ربنا يعينا

Fahd يقول...

الحل هو انتي تعشي كل مرحلة قوي

يعني يحصل ليكي تشبع منها

لما يتقدم ليكي وجبة كليها كلها علشان بعد كده تقعدي تفتكريها

وربنا يكرمك

يمامة شاردة يقول...

ايه يا بنتي؟
هو انتي فاكرة إن الواحد عند سن العشرين بيحقق كل اللي هو عايزه؟

على كده بأه أما يوصل للأربعين وللا الخمسين يبقى عايش بيعمل ايه؟ من غير هدف؟

شدي حيلك شوية .. و استهدي بالله .. وأنا هدعيلك إن شاء الله

تأثير الامتحانات واضح بغبااااااء D:

...............

أحبكِ في الله :)

belal يقول...

كلما راودك أي إحساس سئ
تذكري دائما

















منيو الخمسة لسه بخمسة
..

AbdElRaHmaN Ayyash يقول...

في الحر ده ؟
بس فعلا مشكلة انك تتصوري انك كبرتي في وقت انتي فيه لسه مدخلتيش .. او دخلتي يعني على الباب بتاع الدنيا !
لسه كتير :)
بس ده ميمنعش انك تأجلي المهام الكونية اللي انتي مكلفة بيها
:D المفروض تغيري الدنيا ! و كان المفروض تغيريها قبل العشرين
لكن ممكن يبقى في استمرارية

غير معرف يقول...

يا عجوزه‎:‎P ‎
طبعا الفارما مخلتش حاجه ف نفسك
لأ ولسه البازولوجي
مع الحر !!
ممكن نذاكر سوا ولله أنا شرعي و انتي بازو ^_^
ف سلنترو لتفتكري حاجه تانيه :P:P

Taher يقول...

عارفة انتى بردانة ليه !
لأن الفارما بتتطاير.. و لما بتتطاير بتقلل درجة حرارة الجسم !

belal يقول...

ببساطة جدا يا دكتورة
اعتبري أخوكي الصغير كان ماشي بمدونة
هوب ... اتكعبل
اتكسرت المدونة ..ميت حتة
ولو حاول يلمها..ممكن الإزاز يعوره
وحضرتك طبعا ما ترضيش إن أخوكي يتعور
..

belal يقول...

ربنا يوفقك ويكرمك يا دكتورةفي الإمتحان ويخلي القلم يكتب لوحده
أما كون حالتك صعبة جدا
فيمكن فهمها_بدون الحاجة لذكاء شديد _من كونك بردانه في هذا الحر..وعجوزة في هذا السن !!!!!!!!!!!!!!!
..

Hossam Nasr يقول...

ساعات قليلة لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

المخبر العام يقول...

علمنا أن صاحبة المدونة ..عندها امتحان ولذا_حلوة لذا_نستوضح
أخبار الإمتحان ؟؟
عدد الأسئلة ..لون الكتابة
البنش رقم كام
التقرير لا زم يتقدم

خمسة فضفضة يقول...

السلام عليم ورحمة الله وبركاته

ربنا يعينك علي الامتحانات وتخلصي بقي وترتاحي

احساسك ده اكسد ناتج من زنقة الاتحانات اللي يا ما بتعمل وبالذات الفارما واسالي مجرب
:)

لسه المستقيل قدامك وان شاء الله تكون حياتك كلها افراح

هو انت في طب ولا صيدله ؟؟


سلام

مُـــؤمنة يقول...

سمعت عن الامتحان معلش يا موتشى تتعوض ان شاء الله

بس أعتقد دفيتى كده خلاص ولا ايه ايا كان الامتحان بقى فاهو عدى وخلااااااص

( cheer: )

belal يقول...

ايه دا عبدالحي(المخبر) اتجلى هنا كمان
حشرت مناخيرك يا باايخ ..أهوا طلع صعب
يا عبدو ..رغمت أنفك
..

belal يقول...

اه نسيت أقول يا دكتورة
تتعوض إن شاء الله
وجيدجدا ..مش وحشة أوي يعني
دانا عندي بكره ديجيتال..ودعائي
اللهم ما ارفع درجاتنا
..

Mai_Jeneen يقول...

اخ محرز ...

يا بنت !!!

انا فس سنة تالتة ... و دي عندنا في طب يعني لسة قطاقيط صغيرين !

المشكلة اني حاسة إن البوصلة بتمشي أصلا!! يعني انا مش عارفة امسكها و لا اجري وراها و لا ايه ...

حضرتك ممكن تقرا التدوينة دي عشان تعرف اكتر انا باتكلم عن ايه :

http://silence-talks.blogspot.com/2006/07/blog-post_08.html

Mai_Jeneen يقول...

اللينك بتاعك مش راضي ينزل !!

http://silence-talks.blogspot.com
/2006/07/blog-post_08.html

Mai_Jeneen يقول...

سمورة ...

شباب زي الورد ... و كمان بصحتنا !!

الوصف ده لا ينطبق على طب إطلاقاً ...


عااااااااااااا

Mai_Jeneen يقول...

أبي عصفةر المدينة ...

دعواتك يا أبي بجد ...

الوضع متأزم جداً ...

Mai_Jeneen يقول...

إمام الجيل

الخلل مكتشفينه من فترة ... بس الموضوع محتاج مجاهدة نفس جامدة اوي و قوة مافتكرش إني وصلتلها لحد دلوقتي ...

Mai_Jeneen يقول...

فهد

المشكلة إني حاسة إني على طول عايشة في الموضوع ....

دايماً باقعد اقول لو كان حصل كذا و كذا بدل ما افكر احسن في تحسين الحاضر ...

أو اقعد اتمنى الوقت يرجع بية تاني لمرحلة شايفاها كانت أجمل ...


الواحد و هو جوة الأمر مابيحسش بجمالهة غير لما يخلص ...

Mai_Jeneen يقول...

يمامتي الشاردة

هاقولك على حاجة يا بوبو بجد ... انا عندي احساس مسير علية اني هاموت صغيرة ...


عشان كدة تقريباً معنديش أي خطط لحياتي أبعد من عمر الخمسة و تلاتين ... مش عارفة ليه الاحساس ده مسيطر علية ...

فكون اني وصلت العشرين دي عندي مشكلة في حد ذاتها !!

Mai_Jeneen يقول...

باشمهندس بلال ....

ربنا يخليك للشعب يا فندم ...
مش عارفة لولا حضرتك دايماً بتحيبلنا الأخبار المبشرة دي كنا عملنا ايه !

بالنسبة لموضوع المدونة ... هاتكلم عن الموضوع ده إن شاء الله يوم الخميس على ما اخلص العملي بتاع البتاعة دي ...

بالنسبة للامتحان ... إن شاء الله حضرتك هتحل كويس و احنا هندعي لحضرتك ...

Mai_Jeneen يقول...

باشمهندس عبد الرحمن

طبعاً ما الناس اللي عندها 18 تتكلم براحتها !

احنا خلاص ... راحت علينا !

Mai_Jeneen يقول...

طفطف ...

أيوة ... نعمل معسكر كدة و نلم العيال بتوع تانية كمان اللي مأجلين البايو ...

مش عارفة الناس كلها مالها معجبة بالتأجيل كدة ليه السنة دي !

Mai_Jeneen يقول...

ويسبر

جزاكِ الله خيراً و سدد خطاك

Mai_Jeneen يقول...

المخبر العام

عدد الأسئلة لا اعلمه

لون الكتابة ... الحقيقة كنت سالفة القلم بس غالباً كان ازرق

البنش بتاعي مميز ... مافيهوش غير بنتين انا و بنت على طرف ... و بقية البنش فاضي !


حضرتك هات التقرير و انا املاه لحضرتك بمعرفتي ...

Mai_Jeneen يقول...

خمسة فضفضة

يا رب يخرجنا منها على خير يا دكتورة ...

انا طب ... حيث يتم تسوية الطلبة على نار هادئة ...

Mai_Jeneen يقول...

مؤمنة

دفيت ايه ... ده انا عندي هبوط و داخلة على حمى !


ربنا يسامحهم و يرزقنا النجاح يا رب ...

-_- يقول...

لسة الحياة طويلة قدامك
متفكريش في العمر لحسن يسرقك

Mai_Jeneen يقول...

شرم

المشكلة ان احنا مابنحسش بلحظات قد ايه كانت حلوة الا لما نفارقها ...

غير معرف يقول...

فارما

فارما

تالتة؟؟!!!

الكلام داكان ليه فين ازاى امتى........

واحدة اتخرجت السنة اللى فاتت
امتياز يعنى عقبالك كدا بس من غير زهايمر

تيجى للجد..احساس العجز والتوهة والفقد دا بيوصل قمته لحظة التخرج ومعاه احساس مناقض تماما من الفرحة والامل والطموح والثورة
احساس كدا باللخبطة
متهيالى دى حاجة صحية

حاجةتانى جد..مدونتك سكراوى
ميادة

ريهام العربي يقول...

مش عارفه ليه فاكره اني حطيت تعليق هنا امممم

مش مهم البوست عاجبني وكلامك صح فعلا

في مدونات انا كتير بحبها من حقي علي

اصحابها انها تفضل مفتوحه وان مستمرش

صاحبها او صاحبتها ف الكتابه من حقي

اني علي الاقل ارجع واقرا الكلام تاني

لان احيانا بتحكي لحظات بحس اني عيشاها معاها


مرسي جدا جدا علي البوست

قررت أكون عانس يقول...

العمر بيجرى بطريقة مخيفة ....خاصة اذا ما وصلتيش للى انتى عايزة تحققيه

بحس كتيير ان حياتى ووقتى عملين زى رمل ناعم اوى بيقع من ايدك و انت مش عارفة تعملى ايه

غير معرف يقول...

انا حاسس بردو بالموضوع ده وان عمرى بيجرى وانى هعجز بسرعة اوى

بس مش بردانD:

E. Fekry يقول...

فارما!
حدث ولا حرج..أعانك الله.

ولكن أرجوكِ لا تشعري بهذا الشعور المقيت..لأنني عندما شعرت به ..آخذ يخنقني وكأن الجاثوم قد طابقني..حاولي وأن حتي شعرتي بهذا الشعور أن تتذكري أن حتي "العجوز" لديه عدة أيام أو ساعات أو حتي دقائق بل ثواني يمكن أن يشعر فيها بالحياة.

ما الحياةإلا لحظات اتمني أن نستشعرها.

Übersiedlung يقول...

عنوان نمنمتك على نفس عنوان مقال احمد حلمى

Umzugsunternehmen Wien يقول...

جددوا موضوعتكم .. رجاءاً :)

Bauschuttentsorgung Wien يقول...

الجديد .. الجديد .. الموضوعات الجديد فين ؟؟

Müllentsorgung يقول...

شكراً لكم ع الموضوعات المتنوعة ... موفقين :)

Transport Wien يقول...

الله يوفقكم..ع المجهود...:)

Umzug nach Luxemburg يقول...

الله يعينكم على المجهوووووووووووووود :)

Lagerung يقول...

Allah is with you ... :)

Lager Mieten يقول...

الله معكم .. اتمنى عرض الجديد بأستمرار

Umzug in die Schweiz يقول...

موفقين .. وعايزيين نشوف الجديد !؟

Botendienst Wien يقول...

دوماً موفقين ... وبأنتظار الجديد ..

Umzug Wien يقول...

Vielen Dank .. Und ich hoffe, Sie Mved Entwicklung und Schreiben von verschiedenen Themen :)

entrümpelung wien يقول...

مدونه رائعه ...))

umzug يقول...

:)) ... شكرا لكم .. دائما موفقين

umzug - umzug wien - umzug wien