چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

جبتوا الشكيولاتة و البنبوني و لا لسة ؟؟




العيد بيبقى ليه عند الواحد ذكريات و عادات خاصة ... بتبدأ ليلة العيد من بعد صلاة المغرب مع تكبيرة إمام المسجد ... ساعتها يبدأ احساس مختلف يسري في الجو rolleyes.gif

و نقضي بقية الليلة في التليفونات و الماسجات و الأهل و الأحباب و نبعت ايميلات تهاني لاصحابنا happy.gif

الصبح بيبقى حاجة تانية ... و بما إني أكيد نايمة متأخر فبصحى متأخر برضة ph34r.gif

مش متأخر بمعنى إن الصلاة فاتتني ... متأخر بمعنى اني حاتسربع عشان ألحق أعمل سنة العيد في الاغتسال ... و بعد كدة اتسربع في اللبس و النزول ... و اتسربع و انا باصحي اخواتي .. المهم إني لازم اتسربع wacko.gif

أحاول ألا أنسى أن أفطر قيل أن أنزل ... و يا حبذا لو كن تمرات وتر عملاً بالسنة rolleyes.gif

أسمع في التلفاز الرجل ذو الصوت الرخيم و هو يحدثنا أثناء النقل المباشر لصلاة العيد من شرم الشيخ ... حيث يصلي الرئيس ... أو أحياناً يفعلون كما يكتبون في الصحف ( أرسل السيد أحمد نظيف لينوب عنه في حضور صلاة العيد ) ... و كأن جميع من يقف خلف الإمام من العلماء لم يخبره أحدهم أن الصلاة لا يجوز فيها الإنابة !!! dry.gif


و ما أن يبدأون في الصلاة في التلفاز ( عشان شرم الشيخ سابقة في مواقيت الصلاة طبعاً ) حتى يعلو الصراخ في بيتنا بالاستعجال

و يلا .. حنتأخر mad.gif

أسرع في حمل ما أجد أمامي من سجاجيد الصلاة و امضي

لنصل متأخرين كالعادة في الساحة حيث نصلي ... و هي عبارة عن حديقة خضراء واسعة ...

الغريب أننا كل عيد نذهب لنجدهم قد قاموا بسقاية الحديقة ... و كأنهم لا يعلمون أن صباحاً هناك من سيأتي للصلاة هنا .... أو كأن العيد قد جاءهم فجأة فنسوا الاستعداد !!! blink.gif

طبعاً الحديقة تم فرشها بالحصير ...

لكن لأننا نصل متأخرين كالعادة لا نجد مكاناً عليه و نفرش سجاجيدنا لنصلي ... و لكنها بالطبع سجاجيد قماشية تتشرب ماء الأرض المنداة في لحظات ... حتى لا تحرمني من عادة عودتي إلى المنزل مبتلة الملابس و حذائي مليء بالطين أيضاً بعد أن اصبحت هذه العادة جزء لا يتجزأ من استشعاري بالعيد ... أيضاً happy.gif


بعد الصلاة يبدأ أحد أجزائي المفضلة في يوم العيد ... حيث أكون قد جهزت قدراً لا بأس به من الشيكولاتة أو البنبوني ... أو أي حاجة تجذب الأطفال يعني 022.gif


لأدور بين المصلين و قد انشغلت الامهات بالكلام مع بعضن البعض ... و استقطب الأطفال الصغار من هنا و هناك لأعطائهم من الحلوى wub.gif

أستمتع بشدة مبداعباتهم الطفولية 001.gif ... بابتساماتهم ... بنظرة الهلع منذ اللحظة الأولى عشان ( ماما قالت لي ماتخدش حاجة من حد unsure.gif ) ... حتى تنتبه أمه الواقفة بجانبنا و تشير له لكي يطمئن ( خد من طنط يا حبيبي happy.gif ) ليتبدل هلعه بفضول طفولي و ابتسامة و كأن انفراجة قد جاءته في التو و اللحظة 022.gif


و بعد السلام على الأهلو الاحباب و الجيران ... و صديقات المدرسة القدامى بعد أن أصبحنا لا نرى بعضنا إلا كل حين ... نترك وعدنا على وعد بترتيب خروجة لنا معاً ... هذا الوعد الذي نعيش عليه في كل مقابلة ... و نادراً ما أوفينا به unsure.gif

أعود إلى منزلي لأستكمل جلسة الكمبيوتر و تهاني الأصدقاء و الأحباب ... و أستمتع بسماع أصوات مشاجراتهم حول الأفطار و التجهز للخروج و ما شابه ... فقد أصبحت تلك الأصوات أيضاً من عادات العيد عندي happy.gif

حتى يقررون الخروج بعد حين ... لنذهب حيث تجتمع العائلة كلها ... تعرف باجتماعهم قبل أن تطرق الباب بالطبع من الأصوات الصاخبة و صراخ الاطفال الذين يتفاوتون في أعمارهم و أطوالهم ... خصوصاً الصغيرين دول اللي بتكعبل فيهم wub.gif

لتبدأ لحظات المرح الحقيقية 022.gif

لعب بالكور و ضرب بالبالونات و ضحكات و نكات 010.gif ... يتخللها صراخ هذه من أن تلك شدت شعرها أو ضرب فلانة لعلان لأنه فرقع لها البالونة ... لا مانع أيضاً من أن أساعدهم في تقديم طعام ما بحمل هذا الطبق أو ذاك ... rolleyes.gif

لينتهي اليوم و أعود إلى بيتنا ...

أعود و قد حملت إرهاقي

اعود و قد حملت ذكريات سعادة صغيرة

أعود و قد حملت ضحكاتهم معي

إنه يوم العيد

غداً ...

يوم أنتظره ...



و كل عيد و انتم طيبين
happy.gif

35 comments:

ولــــــــــو يقول...

والله ما جيبت حاجه
لو عندك حاجه فاضله اخوكي مستني
كل سنه وانتي بألف خير
عيد سعيد

مش هقول انا حرة يقول...

العيد wub

كل سنه وانتى طيبة cheer

انهاردة اتسنكحت على ابن خالتى مازن الصغير واخدت منه كيس حلويات shy

كان معاه 3 angry

اشمعنا احنا

وفى الوقفة قضيته مع بنات خالتى واتسنكحت عليهم بردو واعدنا عندهم فى البيت انا واختى cheer
كان يوم رائع..كم احبك ياعيد wub

آلاء الرحـمـن يقول...

كل سنه و انتى طيبه يا ميموووو

احلى حاجه في العيد و الايام اللى زى دة الذكريات

و اوحش حاجه لما تبقى انتى ف مكان و ذكرياتك كانت فى مكان تانى

ربنا يعيد الايام



؟ازيك يا حره ( وش مأموص)

آلاء الرحـمـن يقول...



نسيت أقلك

SELAMAT HARI RAYA :P

^_^

بنت أبيها يقول...

Happy feast

تقبل الله منا ومنكى يا جميل

فعلا ايام العيد دى بتكون محفورة فى الذاكرة

ربنا يديمها عليكى فرحة العيد وذكرياته الجميلة

مشروع انسان يقول...

كلنا الشيكولاته والبنبونى
عيد سعيد
ورمضان متقبل باذن الله
وكل عام وحضرتك بخير

belal يقول...

كل سنة وانتي طيبة يا دكتورة
...
احنا عندنا العيد كان سبيشيال السنة ..الإخوة كالعادة احنا اللي بنعمل كل حاجة في المصلى ..بس الجديد
إن الحزب الوطني بيقول إنه هوا بيقول إنه هوا اللي عامله
..
العيد بالنسبة لي هوا يوم الوقفة في تحضير المصلي وصلاة العيد
..
كل سنة وحضرتك يبة تاني
..
وتقبل الله منا ومنكم
..

محمد عبد الرحمن يقول...

كل عام وحضرتك بخير وسعادة وأمن وسلام
أسأل الله لك الثبات بعد رمضان وأن تكون أيامك كلها أعياد

و القادم....أجمل يقول...

كل سنة و إنتي طيبة يا قمر

و عيد سعيد

بس السنة دي محستش بالعيد خالص

:(

عشان عقبالك كده

امتحان الجراحة يو 1 \11

ربنا يستر

دعوااااااااااااتك

ربنا يحميكي و يوفقك يا رب

:)

غير معرف يقول...

كل سنه وانتى طيبه وبالف خير وتمارسى طقوسك العيديه دائما ان شاء الله

alqassam يقول...

كل عام وانتم بخير

غير معرف يقول...

كل سنة وأنتى طيبة يا عيلة وعقبال كل سنة
واحد قرب يموت بس المرة دى من الفرحة ( علشان العيد بس )

انا مش معاهم يقول...

كل سنه وانتي طيبه

حلم الحرية يقول...

يعني موصلنيش لا بونبوني ولا شيكولاتة ولا كاننا نعرف بعض

ادي اخرة الصحوبية

لالالا مش ممكن يابنتي
فلوس العيدية غيرتك
نياهاهاههههاهاهاها

مليش دعوة عايزة بونبوني او شيكولاتة
اويعني ممكن اعملك تخفيض واكتفي بالعيدية بس
من غير لا شيكولاتة ولا بونبوني
شفتي انا طيبة ازاي
ههههههههه

كل سنة وانتي طيبة يا جميل

Mohamed Abdelgeleel يقول...

لاول مرة بالاسكندرية : دعوة لكل مواطن ولكل مدون حر: لحضور .............

ملتقي الدفاع عن سجناء الراي وحقوق الانسان بالإشتراك مع ....

تجمع المدونين الطامحين في وطن عربي بدون سجين رأي واحد

و بحضور نخبة من الصحفين والسياسين والمدونين

فرصه حقيقيه ليجتمع المدونين مع بعضهم البعض

ويعلنوا تضامنهم مع حرية الصحافه والكلمه في مصر

موعدنا : الخميس 18/ 10 الساعه 5

بنادي المحامين بجليم كورنيش البحر الاسكندرية

بحضور وائل الابراشي وعصام العريان ونخبة من رموز الاحزاب

اعلن عنا في مدونتك

غير معرف يقول...

سلام عليكم

ازيك يا جنين

كل سنه و انتى طيبه

و بجد ايام العيد بتبقى ايام رحمه و سعاده

قائد يقول...

كل عام وانتم بخير اختنا الكريمة

تقبل الله طاعتكم في الصالحين يارب

والعيد فعلا لا يكون الا بتلك الذكريات الجميله

ولا يكون الا بالفرحة والبهجة والسرور الذي يغمر قلوبنا جميعا
بوركتم
ولكم منا تحيه
والسلام مسك الختام

Mai_Jeneen يقول...

ولو

احم احم

معلش يا باشمهندس ... مايغلوش عليك بس خليها المرة الجاية بقى

كل سنة و حضرتك طيب

Mai_Jeneen يقول...

حرة


و انتي طيبة يا صغنطوطة

اه هو ده ساعة ما قلتيله هات كيس لمريم !!

هو كان مازن ؟

يا شريرة

بتضكي على العيال الصغيرين و تاكل أكلهم !!!

أنا كمان باحب العيد قوي

wub

Mai_Jeneen يقول...

اّلاء الرحمن

هو ماينفعش ذكرياتك تبقى هنا ؟؟

و لا احنا بنحن لأي حاجة بعيد و خلاص




















كنت حانسى أقولك

معرفش ... أسألي حد تاني

Mai_Jeneen يقول...

بنت أبيها

جزاكِ الله خيراً

ربنا يديمها علينا نعمة

Mai_Jeneen يقول...

امام الجيل

انا ماكلتش !!!


يلا خيراً

تقبل الله منا و منكم

Mai_Jeneen يقول...

باشمهندس بلال

كل واحد بيبقى ليه ذكرياته الخاصة

احنا عندنا النائب حزب وطني

العيد اللي قبل ده تقريباً كان مكان المصلى مليان حاجت و بالونات و هدايا و حبشتاكنات كدة

عشان الاخوان كانوا بينزلوا يوزعوا حاجت على الناس في العيد

العيد ده مش جاي ناحية المصلى بقشاية

عشان الناس الكبار بتاع الاخوان عندنا متاخدين عند حبايبنا ... فعارف انهم مش نازلين يعني !!!

يلا

حنقول ايه

Mai_Jeneen يقول...

طال الليل

اّمين

كل عام و حضرتك بخير

Mai_Jeneen يقول...

ولاء

نقول ايه ؟؟

و الغلابة يا عيني بتوع سنة خامسة .. امتحانات اخر السنة في رمضان ... ليه ؟؟

ربنا يكرمكم و يعينكم

Mai_Jeneen يقول...

رئيس جمهورية نفسه

كل سنة و حضرتك طيب

Mai_Jeneen يقول...

القسام

كل عام و حضرتك بخير

Mai_Jeneen يقول...

الأستاذ مجهول

ربنا يديم فرحك

جزاك الله خيراً

Mai_Jeneen يقول...

أنا مش معاهم

كل عام و حضرتك بخير

Mai_Jeneen يقول...

حلم الحرية


ميروووو

عيدية !!

احنا اللي المفروض ناخد منك عيدية يا ست الخريجة !!!

مش اتخرجتي و بقيتي عاطلة قد الدنيا!!


كل سنة و انتي طيبة يا عسولة

Mai_Jeneen يقول...

مريم

و عليكم السلام و رحمة الله و بركاته

مريومتي

وحشاني

كل سنة و انتي طيبة

Mai_Jeneen يقول...

قائد

كل عام و حضرتك بخير

فعلاً هذه الذكريات تعطي العيد طعم مختلف

لا اتصور ان يأتي العيد بدونها يوماً

ابو صهيب ( الجمعاوي الاصيل)سابقاً يقول...

تقبل الله منا ومنكم
واذا كان على الشوكولاته
فهي مضرة جدا بالصحة علشان كده مجبتش وانا جاي

عصفور المدينة يقول...

ارسلت لحضرتك ردا على الإيميل هل وصل ام لا بارك الله فيك

Kellerentrümpelung Wien يقول...

شكراً جزيلاً ع المجهود ... :)