چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

النهاردة ( أوف ) يا جدعان


مش باحب القطط بس ما علينا

كنت باقول ايه

اه النهاردة ( أوف ) يا جدعان


اه بجد

و بكرة كمان

أنا مش مصدقة

لأ ثانية واحدة ... قبل ما حد يفهمني غلط و لا حاجة

و انا ماحبش حد يقهمني غلط

( أوف ) يعني اجازة
من المصطلح الانجليزي ذو الثلاثة حروف ( off )

هيييييييييه

حيطلعلي حد دلوقتي و يقولي لازم يعني تعوجيلنا لسانك ما تقولي اجازة و خلاص

معلش يا اخويا خليها علينا المرة دي

اصل اللفظ ده متداول بشدة في امتياز في المستشفى

انا صحيح لسة مش في امتياز ... بس رجلي خدت عليه

كل شوية اشوف واحدة صاحبتي ... انتي فين بكرة ؟؟ لأن أنا بكرة اوف

امبارح كنت اوف

عندي الاسبوع الجاي اوف

بقى مصطلح رسمي يعني من غير مؤاخذة يعني برضة

ما علينا


المهم اختكم النهاردة و بكرة خالية من الخروجات

صحيح في شوية مشغوليات حتخلص م البيت بس مش مشكلة

ياااااااه

عايزة اكتب حاجات كتير

و عايزة ارد على تعليقات كتير

و فيه ناس كتيييييييير انا مقصرة في حقهم جدا جدا

طيب حلو


ملحوظة على ما قسم

طبعا لو لاحظتم غيرت الشكل بتاع المدونة
كان عاجبني الأولاني بس حبيت أحط حاجة فاتحة شوية
و لأن اختكم في حكاية الالوان و الفن و التصميم و الكلام ده بطيخ خالص
استعنت بصديقة فنانة
و فرجتها على شوية حاجات نقاوة ... من بتاعة برة يا جدعان
و بصراحة ذوقي نال منها عبارات الاطراء ( شوفتوا عبارات الاطراء دي ) من نوعية :
إيه العك ده
شكله مقرف
و حاجات تانية مفيش داعي نقول عليها

و في الاخر الاميرة الصغيرة تكرمت و تعطفت علية و وافقت على الشكل ده و قالت إن لونه حلو و الكلام واضح

لووووووولولولولي

دي زغروطة عشان نلت الرضا اخيرا

بس بعد ما اللبنكت و الصور بتاعة السايد بار راحت طبعا

حطيت منها كام واحدة على ما قسم كدة

فياريت يعني
لو سمحتم يعني
لو ماكنش فيها مضايقة
و لا قلت ذوق
و لا اي رخامة يعني

تدوني رأيكم في البتاع الجديد ده

و ربنا يكرمكم ماحدش يقولي غيريه
عشان انا صحتي ماتسحملش كدة تاني
و لو ان فيه واحد انا عارفاه حيقولي غيريه
بس مش مشكلة
برضة مش حاغيره
حتقولي طب بتاخدي رأينا على ايه بقى
حاقولكم عشان كدة ... حاجة جديدة و لازم اخد رأي الشعب
و لا انا اقل من الريس يعني لما بيعمل استفتا ورا استفتا

المهم عايزة رأيكم برضة


20 comments:

Doaa Ebrahim Aaql يقول...

بما إن كلامك مميز وجميل
فالشكل مش مشكله خالص
ومع ذلك الشكل جميل
جداااا
والبلوج اجمل
تحياتى

مشروع انسان يقول...

هنقول ايه يعنى طبعاااااا جميل جدا ايه ده مفيش زيه اتنين
كان نفسى اشوف تصميم زى ده من زمان
مبروك على التغيير

belal يقول...

...
عادي يعني أنا مالاحظتش الفرق
طبعا دي قوة ملاحظة ..
...
ثم يا أختي حضرتك مش أقل من الريس
بل مفيش حد أقل من الريس ..
..
المهم
ألف مبروك عل الشكل الجديد

Mai_Jeneen يقول...

دودو

الله يكرمك

كدة الواحد نفسه تتفتح

Mai_Jeneen يقول...

الأستاذ امام الجيل

ايوة
هية دي الديمقراطية المنشودة
كدة وصلت للنضح السياسي المطلوب !!!

الله يبارك فيه

Mai_Jeneen يقول...

باشمهندس بلال

ايه اللي واخد عقلك يا باشمهندس ؟؟!!!



المهم
الله يبارك فيك

انا انصاري يقول...

الف مبروك على الشكل الجديد
كان نفسي اقولك انه جميل
لكن للاسف مش هنفعل

لا متفهمنيش غلط هوه مش وحش
بس اولا ده اول مرة ادخل على مدونتك
فعلشان كده مش عارف الاول كانت احس ولا دلوقتي


والسبب التاني ان شاشة الكمبوتر عندي بايظة عندها حاجة كده زي عمى الالوان

غير معرف يقول...

السلام عليكم
على فكرة حضرتك لذيذة اوي وروحك حلوه
ده رايي فى حضرتك من خلال كلامك وانا شايفه انه الاهم كلامك يكون مميز بس برده هاقولك رايي في الشكل الجديد ورايي كابنت هاقولك انه رقيق جدااا وبسيط وانا بحب الحاجات اللي مش فيها ظيطة كتير بس علشان الامانه انا هاقولك راي ممكن يكون راي اي حد وميقولكيش فاقولك انا احسن الصوره اللي انتي حطاها اللي فيها علامة استفهام هي الحقيقة انا شايفة يعني انها مش بتدل على صورة عيله وعايزه تفهم لااااااا انتي كده بتظلمي نفسك بالصورة دي لانها بتوحي بحد تاني اللي عايز يفهم مش عيلة خالص اوعي تزعلي انا بقولك رايي بصراحة وعلى العموم لو ليكي فى الفوتو شوب صممي انتي حاجة
افضل اوعي تزعلي مره تانيه ولو هاتزعلي انا شايفة ان الصورة مافيش اجمل من كده يالا ياستي ولا يهمك
السلام عليكم

ولــــــــــو يقول...

طبعا الشكل ليه تاثير مهم على المدونه بس انا كانت عجباني من الاول
والله مابتفرق معانا الاشكال
وعلى العموم انا باحب الالوان المبهجه

مش هنسى يقول...

بصى يا دكتورة ( أوف ) بجد ذوقها عالى وياريت تغيريها
استنى استنى أنا بهرج أصل مش بحب القطط على العموم جميلة

Mai_Jeneen يقول...

الاستاذ محمد الانصاري

وقعت قلبي في الاول !!!

جزاك الله خيرا

Mai_Jeneen يقول...

بنات أفكاري

جزاك الله خيراً

ربنا يكرمك


لن انا مش بازعل خالص ازاي

احنا عندنا ديمقراطية

: D

عندك حق

حاشوق صورة تانية و احطها إن شاء الله


شكرا على مرورك و رأيك الجميل

Mai_Jeneen يقول...

الأستاذ و لو

طب الحمد لله

كويسة إنها عاجباكم بجد

جزاك الله خيرا

Mai_Jeneen يقول...

الأستاذ حسين رضا

كويس كدة بقينا اتنين مش بنحب القطط

انا بارعب منهم اصلا ( وش بيعيط )


جزاك الله خيراص على مرورك

mo'men mohamed يقول...

انا عمرى ما شوفت حد مبيحبش القطط
بس على العموم حصل خير
براحتك يا سيتى
خدى اجازة وان شاء الله ترجعى بالجديد
وعلى فكرة الشعار اللى انت حاطاه اللى بلون أخضر ده مش قد كده
السلام عليكم

Mai_Jeneen يقول...

الأخ مؤمن

انا بخاف من القطط جدا ( وش بيعيط برضة )

مش عارفة

بحس انها كمان ممكن في اي لحطة تعمل حركة مش مسئولة

انا اصلا بخاف من الحيوانات عموما ( وش بيعيط قوي )

يمكن حاجة من الطفولة و لا حاجة
هية بتبقى عسولة قوي في الصور ... بس مادام بعيد عني


حاضر حاشوف صورة تانية إن شاء الله

طب ما حد يعمل فية خدمة كدة و يشوفلي صورة كويسة

جزاك الله خيراً على رأيك

غير معرف يقول...

أحطلك صورة فله لو عايزة

على فكره انا برضه مش بحب الاوطت البلدى و بخاف منهم و بتقرف

بس العشره بقي .. نعمل ايه ..


بالنسبة للشكل يا هانم

بعد كل اللى عملتيه الصبح ترسي على ده

يا مسهل لما نشوف اخترها يا جنين هانم

( نفسي اناديكى باسمك الحقيقي .. ألظ

Mai_Jeneen يقول...

أطيااااااف

كان ماله التيملبت اللي فات يا بنتي !!!

بصي ده اخرنا دلوقتي على ما نشوف

قوطط قوطط


لأاااااااااا


تصدقي كان فيه تمبلت عسول


بس المشكلة الوحيدة

انه كان فيه قطة


هع

غير معرف يقول...

Αω, this was a really niсe post. Тakіng
а fеw minutes anԁ аctuаl effort to make a reаlly good
articlе… but what can I ѕay… I put thingѕ οff a whole lot and never seem to get anythіng done.


Fеel free to surf to my blog poѕt :: payday loans

غير معرف يقول...

I needed to thank you for this fantastіc read!! I absolutely loved every bit of it.
I've got you book-marked to look at new stuff you post…

my blog - payday loans