چـِنين .... عيلة و عايزة افهم

((( و كلما ازددتُ علماً ... ازددتُ علماً بجهلي )))

مخنوقة قوي


مخنوقة قوي

قوي قوي بجد

خلاص

مابقتش عارفة

فاضل ايه حلو في البلد دي نفضل عشانه ؟؟

يا ريتني حتى عارفة اعمل رد مبهج زي نوارة

مش شايفة اي حاجة ممكن تكون مبهجة في الظروف اللي احنا فيها دي

صاحبتي كانت بتقولي إن كويس إن احنا جينا في العصر ده ماجناش في عصفيه البلد متصلحة جاهز
عشان يبقى عندنا قضية و حاجة نشتغل عشانها

بس انا مش عارفة حنصلح ازاي اصلاً

كل حاجة في البلد بتزودني احباط على احباط

حتى الحاجات الصغيرة اللي كانت بتبسطني مابقتش بتعمل تأثير

الحل الوحيد
اني ادفن نفسي في الشغل دلوقتي

يمكن انسى شوية

يمكن !!!

7 comments:

Bou-ME يقول...

يا ستي لو مخنوقة قوي كده اسمعي محمد منير و هو بيقول انا لسه قادر في الحزن أفرح هيه هيه هيه....

كل الناس في بلدك مخنوقة حتى امت الله الي بتكتبلك دلوقتي...
بس عارفة كل مرة بوصل فيها لمرحلة الخنقة الرهيبة دي بعمل ايه؟؟ ( غير اني بعمل عبيطة)

بسرح بخيالي و بروح زي مابيقولواto my happy place الناس هناك حلوة و جميلة و مافيش حد فوق حد و لا حد بيستعبد حد...الخضرة في كل حتة...و صوت منير و فيروز ما بينقطعوش....
الناس بتحب بعضها, بتساعد بعضها محتاجة لوجود بعضها....
مافيش زحمة ولا دوشة و لا مشاكل ولا غلا ولا مبارك :)....

ممكن تقولي ان دي الجنة بالنسبة لي...

و لما بافوق و أرجع للواقع الأليم أقول لنفسي مادام قدرت اكون المكان ده في خيالي, أكيد هيجي يوم و هيبقى واقع...امتى و ازاي معرفش...بس أكيد هيجي ....

Gemyhood يقول...

اهلا بيكى فى عالم المخنوقين

أمــانــى يقول...

لا ياحبيبتى خلى عندك امل وارادة وانشاء الله بكره اكيد احسن من النهاردة وربنا يفرجها من عنده
وما ضيقت والا فرجت
ان النصر لقريب ولازم احنا كمان نتغير علشان ربنا يفكها من عنده
ان دولة الظلم لساعة ودولة الحق الى قيام الساعة باذن الله

خيرالدين يقول...

حالتك كتير بنمر بيها لما نحس اننا عاجزين ...بجد شعور العجز ده اسوأ ما يحس به الانسان
لكن الاستسلام ايضا لا يفيد...هم عاوزينا نستسلم ونوصل للمرحله دى
ياريت اول ماتجى لنا الحاله دى نفتكر الوقت اللى بنزعل فيه مع امنا وبعدين نصالحها
الحيه مش حلوه دايما
عارف ان كلامى مش مترتب بس مجرد تفكيرمعاك بصوت عالى

غير معرف يقول...

لحد من شوية صغيرين كنت واخد قرار اعتزال التدوين بس كلامك هيرجعني لاني عرفت انا هكتب ليه وازاي ولمين في المرحلة الجاي مش هديكي نصايح لانها مرة ومقرفة ومحدش بيحبها بس هدعيلك ربنا يخرجكك من خنقتك

لؤلؤة الزمن يقول...
أزال المؤلف هذا التعليق.
لؤلؤة الزمن يقول...

دايما نظهر قدام الناس متفائلين..فرحانين ومن التمثيل او(الاستعباط اللي بنخلقه) بننسى كل اللي حصل وكل اللي خانقنا..
وبترجعلنا الحياة حلوة تاني.. صدقيني دي مجرد فترة وهتعدي..
تقبلي تقديري